ភ្នំពេញ​៖​ កម្លាំងប៉ុស្តិ៍នគរបាលរដ្ឋបាលអូរឫស្សីទី៣ នៃអធិការដ្ឋាននគរបាលខណ្ឌ៧មករា បានធ្វើការឃាត់ខ្លួនជនសង្ស័យម្នាក់កាលពីល្ងាចថ្ងៃទី២១ ខែសីហា ឆ្នាំ២០២៤ ពាក់ព័ន្ធករណីប្រើអំំពើហិង្សាក្នុងគ្រួសារ និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចក្នុងផ្ទះលេខ១៥អឺ០ហ្សិត ផ្លូវលេខ១៦៦ សង្កាត់អូរឫស្សីទី៣ ខណ្ឌ៧មករា កាលថ្ងៃទី១៩ ខែសីហា ឆ្នាំ២០២៤។

ជនសង្ស័យឈ្មោះ យាន ចំណាន ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅផ្ទះ១៥អឺ០ហ្សិត ផ្លូវលេខ១៦៦ សង្កាត់អូរឫស្សីទី៣ ខណ្ឌ៧មករា។

បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕អរុណរះ