ខេត្តព្រះសីហនុ៖ កាលវេលាម៉ោង៤ និង១០នាទីរសៀលថ្ងៃទី០២ ខែសីហា ឆ្នាំ២០១៦ គណៈបញ្ជាការឯកភាព ស្រុកព្រៃនប់ ខេត្តព្រះសីហនុ ដោយមានការ សហការជាមួយកម្លាំងជំនាញការិយាល័យប្រឆាំងគ្រឿងញៀនបានចុះបង្ក្រាបករណីរក្សាទុកជួញដូរ និង ប្រើប្រាស់គ្រឿងញៀន មួយករណី ដែលប្រព្រឹត្តនៅចំណុចផ្ទុះសំណាក់ រីករាយ ភូមិវាលមាស ឃុំវាលរេញ ឃាត់ខ្លួនជនសង្ស័យបានចំនួន៤នាក់ ។

ជនសង្ស័យទី១-ឈ្មោះ ម៉ាន មូសតហ្វា ប្រុស អាយុ៣០ឆ្នាំ មុខរបរ កសិកម្ម ស្នាក់នៅស្រុកទឹកឈូក ខេត្តកំពត ។ទី២-ឈ្មោះ ម៉េង ស្រីកា ភេទ ស្រី ២៤ឆ្នាំ មុខរបរ ជាងអ៊ុតសក់ ទីលំនៅខេត្តកែប ។ ទី៣-ឈ្មោះ ម៉ាន ឌូលនី ភេទប្រុស អាយុ ២៣ឆ្នាំ មុខរបរ ធ្វើស្រែ នៅភូមិម៉ាក់ប្រាំង ឃុំកំពង់ត្រែង ស្រុកទឹកឈូ ខេត្តកំពត ទី៤-ឈ្មោះ សុខ ស្មាអ៊ែល ភេទប្រុស អាយុ២០ឆ្នាំ មុខរបរ ធ្វើកសិកម្ម ស្នាក់នៅខេត្តកំពត វត្ថុតាងចាប់យក រួមមាន ប្រភេទ មេតំហ្វេតាមីន(ICE)ចំនួន១កញ្ចប់ ស្មើនឹងទម្ងន់ ៦.៥ក្រាម ទូរស័ព្ទដៃ៤គ្រឿង ម៉ូតូ២គ្រឿង និងឧបករណ៍ប្រើប្រាស់មួយចំនួនទៀត ៕

ដោយ៖ សហការី