ភ្នំពេញ៖ នារីម្នាក់ទុកម៉ូតូដោយមិនបានដកសោរចេញរួចចូលទៅម៉ាស្សាថែសម្រស់ស្រាប់តែចេញមកវិញត្រូវបានលោកចោរខ្ចីជិះទៅបាត់បង្កឲ្យមានការភ្ញាក់ផ្អេីល។

ហេតុការណ៍នេះភ្ញាក់ផ្អេីលនៅវេលាម៉ោង២រសៀលថ្ងៃទី០៤ ខែសីហា ឆ្នាំ២០១៦ នៅចំណុចផ្លូវ ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ។

នារីរងគ្រោះមានឈ្មោះ គូរ សុខឃីម ភេទស្រី អាយុ២៩ឆ្នាំ រស់ផ្ទះជួលភូមិក្រាំងអង្រង់ សង្កាត់ក្រាំងធ្នង់ ខណ្ឌសែនសុខ។ ម៉ូតូដែលចោរជិះយកទៅបាត់នោះ គឺម៉ាក ហុនដាC110 សេរី ២០១២ ពណ៌ខ្មៅ មិនចាំស្លាកលេខ (ភ្នំពេញ ៩៥៤៥) ។

ប្រភពពីជនរងគ្រោះបានឲ្យដឹងថា មុនពេលកេីតហេតុខ្លួនបានចតម៉ូតូមុចតូបនៅទីតាំងខាងលេីដោយមិនបានដកសោរចេញទេហើយក៏ដើរចូលទៅក្នុងដើម្បីម៉ាស្សាមុខស្រាប់តែចេញមកវិញមិនឃេីញម៉ូតូ ក៏មានការភ្ញាក់ផ្អេីល និងទៅដាក់ពាក្យបណ្តឹងនៅប៉ុស្តិ៍ភ្នំពេញថ្មី ជួយអន្តរាគមន៍៕

ដោយ៖ តុង សីហា