កីឡាករជម្រើសជាតិអាឡឺម៉ង់ Kai Havertz នឹងខកខានការប្រកួតពានរង្វាន់ Nations League របស់ខ្លួនជាមួយបូស្នៀ និងហូឡង់ ដោយសារបញ្ហាជង្គង់។

ខ្សែប្រយុទ្ធ Havertz បានលេងពេញ៩០នាទីសម្រាប់ក្លិបរបស់គាត់នៅ Arsenal ក្នុងជ័យជម្នះ ៣-១ កាលពីថ្ងៃសៅរ៍លើក្រុម Southampton ក្នុងក្របខ័ណ្ឌ Premier League ប៉ុន្តែនឹងមិនបានចូលរួមលេងជាមួយជម្រើសជាតិអាល្លឺម៉ង់ទេ។

គ្រូបង្វឹកជម្រើសជាតិអាល្លឺម៉ង់លោក Julian Nagelsmann បានតែងតាំងខ្សែប្រយុទ្ធ Jonathan Burkardt ជំនួសកន្លែងរបស់ Havertz ហើយគ្រូងបង្វឹករូបនេះក៏បានសរសេរលើបណ្តាញសង្គមរបស់លោកផងដែរថា “ជូនពរឆាប់ជា Havertz!” ។

ក្រុមឥន្ទ្រីដែកអាល្លឺម៉ង់នឹងប្រកួតជាមួយក្រុមម្ចាស់ផ្ទះបូស្នៀនៅថ្ងៃសុក្រ ហើយបន្ទាប់មកធ្វើជាម្ចាស់ផ្ទះទទួលក្រុមជម្រើសជាតិហូឡង់នៅថ្ងៃទី១៤ ខែតុលាខាងមុខ។ ខាងក្រោមនេះគឺជាបញ្ជីឈ្មោះកីឡាករអាល្លឺម៉ង់សម្រាប់ត្រៀមប្រកួត Nations League៖

អ្នកចាំទី ៖ Oliver Baumann (Hoffenheim), Janis Blaswich (Red Bull Salzburg), Alexander Nübel (VfB Stuttgart)។

ខ្សែការពារ ៖ Waldemar Anton (Borussia Dortmund), Benjamin Henrichs (RB Leipzig), Joshua Kimmich (Bayern Munich), Robin Koch (Eintracht Frankfurt), Maximilian Mittelstädt (VfB Stuttgart), David Raum (RB Leipzig), Antonio Rüdiger (Real Madrid), Nico Schlotterbeck (Borussia Dortmund), Jonathan Tah (Bayer Leverkusen)។

ខ្សែបម្រើ ៖ Robert Andrich (Bayer Leverkusen), Chris Führich (VfB Stuttgart), Pascal Groß (Borussia Dortmund), Jamie Leweling (VfB Stuttgart), Alexander Pavlović (Bayern Munich), Angelo Stiller (VfB Stuttgart), Florian Wirtz (Bayer Leverkusen)។

ខ្សែប្រយុទ្ធ ៖ Serge Gnabry (Bayern Munich), Jonathan Burkardt (Mainz 05), Deniz Undav (VfB Stuttgart), Tim Kleindienst (Borussia Mönchengladbach)៕

(រូបភាព ៖ Reuters/CNA)