ខេត្តត្បូងឃ្មុំ៖ កាលពីម៉ោង៧និង៣០នាទីព្រឹកថ្ងៃទី៨ ខែសីហា ឆ្នាំ២០១៦ នៅចំណុចផ្សារត្រពាំងឬស្សី ឃុំរកាពប្រាំ ស្រុកត្បូងឃ្មុំ សមត្ថកិច្ចប៉ុស្តិ៍នគរបាលរដ្ឋបាលរកាពប្រាំ បានឃាត់ខ្លួនមុខសញ្ញាសង្ស័យ២ នាក់រួមមានៈឈ្មោះ ញីប ដា ភេទប្រុស អាយុ៣១ ឆ្នាំ នៅភូមិមុខភ្នំ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ។ ឈ្មោះ យ៉ុន ហេង ភេទប្រុស អាយុ២២ឆ្នាំនៅភូមិមុខភ្នំ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ។

សមត្ថកិច្ចបានអោយដឹងថា៖ ការឃាត់ខ្លួនក៏ចាប់យកបាន ម៉ូតូម៉ាកហុងដាឌ្រីម សេ១២៥ ផលិតឆ្នាំ២០១៥ ចំនួនមួយ គ្រឿង ប្រដាប់កាច់សោរម៉ូតូមួយ សម្រាប់ ក្នុងខណៈជនសង្ស័យប៉ុនប៉ងលួចកាច់សោរម៉ូតូប្រជាពលរដ្ឋនៅផ្សារត្រពាំងឬស្សី ឃុំរកាពប្រាំ។

បច្ចុប្បន្នជនសង្ស័យទាំងពីរនាក់ សមត្ថកិច្ចជំនាញនគរបាលស្រុកត្បូងឃ្មុំ កំពុងធ្វើការសាកសួរ កសាងសំណុំរឿងបញ្ជូនទៅសាលាដំបូងដោយនីតិវិធី៕

ដោយ៖ វណ្ណះ