ភ្នំពេញៈ ជនសង្ស័យ២នាក់ធ្វើសកម្មភាពឆក់ទូរសព្ទ័ពីជនជាតិចិនជិះម៉ូតូកង់បីបានសម្រេចរត់គេចមិនរួច ក៏ត្រូវកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃដេញឃាត់បានភ្លាមៗ ។
ហេតុការណ៍នេះបានកេីតឡេីងនៅវេលាម៉ោង ៨និង៣០នាទីយប់ ថ្ងៃទី២១ខែតុលាឆ្នាំ២០២៤ ផ្លូវព្រះមុនីវង្សកែងផ្លូវ៤៨៤ សង្កាត់បឹងត្របែក ខណ្ឌចំការមន ។
ជនសង្ស័យទាំង២នាក់មិនទាន់ស្គាល់អត្តសញ្ញាណនៅឡើយទេគ្រាន់តែដឹងថា ដកហូតម៉ូតូ២គ្រឿង ម៉ាកស៊ុយស៊ុនិចមួយគ្រឿង និងហុងដាឌ្រីមមួយគ្រឿង ជារបស់ជនសង្ស័យជិះធ្វើសកម្មភាព ។
តាមប្រភពពីសមត្ថកិច្ចបានឱ្យដឹងថា មុនពេលឃាត់ជនសង្ស័យទាំង២នាក់នោះបាន គឺកម្លាំងនាយកដ្ឋានព្រហ្មទណ្ឌក្រសួងមហាផ្ទៃ បានចេញល្បាតទប់ស្កាត់បទល្មើស និងការពារសុវត្ថិភាពជូនប្រជាពលរដ្ឋ តាមភូមិសាស្ត្ររាជធានីភ្នំពេញ លុះមកដល់ចំនុចកេីតហេតុ ក៍ស្រាប់ឃេីញជាក់ស្ដែងនៅជនសង្ស័យ២នាក់ ជិះម៉ូតូចំនួន២គ្រឿងក្នុងនោះមានម៉ាក ហុងដាឌ្រីមពណ៌ខ្មៅមួយគ្រឿង និងម៉ូតូម៉ាក ស៊ុយស៊ុនិចពណ៌សលាយខៀវមួយគ្រឿង បានជិះទៅធ្វើសកម្មភាព ឆក់ទូរសព្ទ័ដៃពីជនជាតិចិនប្រុសៗ២នាក់ដែលកំពង់តែជិះលេីម៉ូតូកង់បី បានសម្រេចហេីយព្យាយាមជិះម៉ូតូរត់គេច តែភ្លាមនោះដោយកម្លាំងសមត្ថកិច្ចឃេីញហេតុការណ៍ជាក់ស្ដែង ក៏បានប្រដេញតាមជនសង្ស័យតាំងពីចំនុចកេីតហេតុ រហូតដល់តាមបណ្ដោយផ្លូវ៤៨៨ សង្កាត់ផ្សារដើមថ្កូវ ខណ្ឌចំការមន ទេីបធ្វេីការបង្រ្កាបបានជនសង្ស័យទាំង២នាក់នោះ និងដកហូតម៉ូតូចំនួនគ្រឿងភ្លាមៗផងដែរ ។
ករណីនេះផងដែរ ភ្លាមៗជនសង្ស័យនិងជនរងគ្រោះ ត្រូវបានកម្លាំងសមត្ថកិច្ចនាំយកទៅសួរនាំនិងដាក់ពាក្យបណ្ដឹងនៅផ្នែកជំនាញនៃនាយកដ្ឋានព្រហ្មទណ្ឌក្រសួងមហាផ្ទៃដេីម្បីចាត់ការតាមនីតិវិធី ៕
ដោយ៖សុខាសែនជ័យ
