ភ្នំពេញៈ បុរសម្នាក់ស្រវឹងជិះម៉ូតូលឿនខណៈដល់ចំនុចផ្លូវកោងជ្រុលបុករបាំងថ្មពុះចែកទ្រូងផ្លូវយ៉ាងពេញទំហឹងបណ្ដាលឲ្យម៉ូតូដាច់កង់មុខនិងមនុស្សរងរបួស។
ហេតុការណ៍នេះបានកើតឡើងកាលពីវេលាម៉ោង២និង២៥នាទីយប់រំលងអាធ្រាត្រឈានចូលថ្ងៃទី២២ខែតុលាឆ្នាំ២០២៤ជិតស្តុបចំការមនផ្លូវសុធារស សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់បានជិះម៉ូតូម៉ាកហុងដាឌ្រីម សេរីឆ្នាំ២០២២ពណ៌ក្រហម ពាក់ស្លាកលេខភ្នំពេញ 1FK 8297 បានជិះធ្វើដំណើរតាមបណ្ដោយផ្លូវ សុធារសទិសដៅពី ជេីងទៅត្បូងក្នុងល្បឿនលឿនហើយស្រវឹង លុះមកដល់ចំនុចកេីតហេតុ ដែលជាផ្លូវកោង អ្នកបេីកកាច់ចង្កូតមិនទាន់ ក៏ជ្រុលទៅបុុកនិងរបាំងថ្មពុះចែកទ្រូងផ្លូវយ៉ាងពេញទំហឹង បណ្តាលអោយម៉ូតូដួលអូសជាច្រើនម៉ែត រងការខូចខាតដាច់កង់មុខ ព្រមទាំងធ្វើអោយបុរសជាអ្នកបេីកម៉ូតូ រងរបួសបែកមុខបែកមាត់ហូរឈាមត្រូវបានបងប្អូនប្រជាពលរដ្ឋ ដឹកតាមម៉ូតូកង់បីយកទៅសង្គ្រោះនៅមន្ទីរពេទ្យផងដែរ ។
ក្រោយពេលកេីតហេតុនៅសល់តែម៉ូតូដែលរងការខូចខាតត្រូវបានសមត្ថកិច្ចយកទៅរក្សាទុកនៅផ្នែកជំនាញនៃអធិការដ្ឋាននគរបាលខណ្ឌចំការមន រងចាំប្រគល់ឲ្យម្ចាស់វិញ ៕
ដោយ៖សុខាសែនជ័យ
