ភ្នំពេញៈ រថយន្តឡិចស៊ីសមួយគ្រឿងខណៈអ្នកបេីកបរងោកមួយភាំងបានរេចង្កូតជ្រុលទៅបុកនឹងបង្កាន់ដៃស្ពាន បណ្តាលឱ្យរងការខូចខាតមួយចំហៀងខាងមុខ តែសំណាងល្អមិនបណ្តាលឱ្យមានអ្នករងរបួសឡើយ។
ហេតុការណ៍នេះបានកេីតឡេីងនៅវេលាម៉ោង៣និង៣០នាទីរំលងអធ្រាត្រឈានចូលថ្ងៃទី៣០ខែតុលាឆ្នាំ២០២៤ នៅចំណុចគល់ស្ពានព្រែកជ្រៃ ផ្លូវលេខ២១៧សង្កាត់ស្ពានថ្ម ខណ្ឌដង្កោ ។
តាមប្រភពព័ត៌មានពីបុរសជាអ្នកបេីកបរបានអោយដឹងថា មុនពេលកេីតហេតុរូបគាត់បានបើករថយន្តម៉ាកឡិចស៊ីសRX 350 ពណ៌ស ពាក់ស្លាកលេខ កម្ពុជាHENG8386 បានធ្វើដំណើរតាមបណ្ដោយផ្លូវលេខ២១៧ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុ ស្រាប់តែងោកមួយភាំងទេីបធ្វើអោយរថយន្តរេចង្កូតជ្រុលទៅបុកបង្កាន់ដៃស្ពានយ៉ាងពេញទំហឹងបណ្តាលឱ្យរថយន្តរងការខូចខាតផែ្នកខាងមុខចំហៀងខាងស្តាំ បាក់កង់រូ៉ទីល បែកកញ្ចក់ទៅមុខលែងរួច តែសំណាងមិនគ្រោះថ្នាក់ដល់រូបគាត់ជាអ្នកបេីក។
បន្ទាប់ពីកេីតហេតុ រថយន្ដដែលរងការខូចខាតត្រូវសមត្ថកិច្ចស្ទូចយកទៅរក្សាទុកនៅអធិការដ្ឋាននគរបាលខណ្ឌដង្កោ ដេីម្បីរង់ចាំដំណោះស្រាយគ្នានៅពេលក្រោយ៕
ជ្រោយពេជ្រ
