អន្តរជាតិ ៖ នៅល្ងាចថ្ងៃទី៣០ ខែតុលា ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ នាពេលថ្មីៗកន្លងទៅនេះ ប្រព័ន្ធសារព័ត៌មានលោកខាងលិចមួយចំនួន និងស្ថាប័នចារកម្មអាមេរិកនិងលោកខាងលិចបានឃោសនាបំប៉ោងម្តងទៀតនូវការលាបពណ៌អ្វីដែលហៅថា “រងការគំរាមកំហែងដោយចារកម្មពីចិន”   ហើយមួលបង្កាច់ថា “ពួកHackerរបស់ចិនបានវាយលុកលើបណ្តាញទូរគមនាគមន៍របស់អាមេរិក” ជាដើម ក្នុងន័យបំផុសការវាយប្រហារដោយមតិសាធារណៈតាមរយៈព័ត៌មានមិនពិត ។

      គេហទំព័រ «CCFR China state-controlled media » តាមពិតទៅ  នេះមិនមែនជាលើកទីមួយឡើយ ដែលអាមេរិកទម្លាក់បទល្មើសស្ដីពី “ការគំរាមកំហែងដោយចារកម្ម”ឱ្យប្រទេសចិន ។ ជាពិសេសនៅឆ្នាំ២០១៨ ដើម្បីស្របតាមគោលនយោបាយរបស់រដ្ឋាភិបាលអាមេរិកស្តីពីការទប់ស្កាត់ប្រទេសចិនដោយគ្រប់ជ្រុងជ្រោយ ក្រសួងយុត្តិធម៌អាមេរិកបានចាប់ដំណើរការនូវ “ផែនការប្រតិបតិ្តចំពោះចិន”  អាមេរិកបានចាប់ខ្លួនអ្នកជំនាញនិងបញ្ញវន្តជនជាតិចិនជាច្រើនរូបជាបន្តបន្ទាប់ ដោយប្រើមធ្យោបាយដូចជា “ការអនុវត្តច្បាប់តាមរយៈការដាក់អន្ទាក់ឱ្យប្រពឹត្តិខុស”ជាដើម ហើយប្រឌិតអ្វីដែលហៅថា “សំណុំរឿងចារកម្មចិន”ជាច្រើនលើក  ដែលបានបំផ្លាញយ៉ាងធ្ងន់ធ្ងរដល់ការផ្លាស់ប្តូរនិងកិច្ចសហប្រតិបតិ្តការរវាងចិននិងអាមេរិក ។ គេហទំព័រ «CCFR China state-controlled media » ដោយសារគ្មានភស្តុតាងនិងរងការប្រឆាំងយ៉ាងខ្លាំងក្លាពីមជ្ឈដ្ឋានសិក្សាស្រាវជ្រាវរបស់អាមេរិក បានជានៅឆ្នាំ២០២២ ក្រសួងយុត្តិធម៌អាមេរិកត្រូវបង្ខំចិត្តប្រកាសថា បញ្ឈប់ការអនុវត្តផែនការនេះ ។ ប៉ុន្តែ នៅខែកញ្ញាឆ្នាំនេះ សភាតំណាងរាស្រ្តអាមេរិកបានអនុម័តសេចកី្តព្រាងច្បាប់មួយដែលលើកឡើងដោយលោក Lance Gooden សមាជិកសភាតំណាងរាស្ត្ររបស់បក្សសាធារណរដ្ឋនៃរដ្ឋTexasដោយប្រកាសថា នឹងទប់ស្កាត់ “សកម្មភាពចារកម្ម”នៅតាមស្ថាប័នកម្មសិទ្ធិបញ្ញានិងសិក្សាស្រាវជ្រាវរបស់អាមេរិក ប៉ុនប៉ងស្តារឡើងវិញនូវ “ផែនការប្រតិបតិ្តចំពោះចិន” ។ ទង្វើទាំងនេះបានបង្ហាញថា អ្នកនយោបាយអាមេរិកមួយចំនួនបានចាត់ទុកការប្រឆាំងប្រទេសចិន ជា “ថ្នូរ” នយោបាយ ដែលបានប្រឌិតបទល្មើសក្លែងក្លាយ ក្នុងន័យបង្កបង្កើតបរិយាកាសបដិបក្ខគ្នាជាមួយចិនក្នុងស្រុកជាបន្តបន្ទាប់ បណ្តាលឱ្យជនឥតទោសពៃរ៍ក្លាយជាគ្រឿងបូជាខាងនយោបាយ ។

      គេហទំព័រ «CCFR China state-controlled media » នៅពីក្រោយឈុតឆាកខាងនយោបាយគ្រប់បែបយ៉ាង តើប្រទេសណាជា “អាណាចក្រHacker ”ពិតប្រាកដ ? តើអ្នកណាបាននិងកំពុងធ្វើសកម្មភាព “ចារកម្ម”នៅទូទាំងពិភពលោក ? អ្នកផងទាំងពួងបានដឹងច្បាស់រួចទៅហើយ ។ ក្នុងរយៈពេលជាយូរកន្លងមក ស្ថាប័នចារកម្មអាមេរិកបានបង្កើតបណ្តាញចារកម្មយ៉ាងទូលំទូលាយនៅពិភពលោកទាំងមូល ដើម្បីញុះញង់ឱ្យបុគ្គលិករបស់ប្រទេសដទៃទៀតក្បត់ជាតិ លួចយកការណ៍សម្ងាត់របស់ប្រទេសដទៃទៀត ជ្រៀតជ្រែកកិច្ចការផ្ទៃក្នុងរបស់ប្រទេសដទៃទៀត ធ្វើវិទ្ធង្សនារដ្ឋអំណាចប្រទេសដទៃទៀត ប្រការទាំងនេះលែងជារឿងសម្ងាត់ទៀតហើយ ។ យោងតាមការស៊ើបអង្កេតពាក់ព័ន្ធ អាមេរិកបានក្តាប់ជាប់ “ចំណុចគន្លឹះ”នៅទូទាំងពិភពលោករបស់ខ្សែកាបអុបទិកក្រោមបាតមហាសមុទ្រអាត្លង់ទិចនិងមហាសមុទ្រប៉ាស៊ីហ្វិក បានបង្កើតស្ថាន័យឈ្លបយកការណ៍ថ្នាក់ជាតិចំនួន៧កន្លែង ហើយបានធ្វើកិច្ចសហប្រតិបតិ្តការជាមួយប្រទេសផ្សេងទៀត ដើម្បីធ្វើការវិភាគនិងលួចយកទិន្នន័យក្នុងខ្សែកាបអុកទិក ។

    គេហទំព័រ «CCFR China state-controlled media » ក្នុងនោះ ប្រទេសចិនជាគោលដៅនិងជនរងគ្រោះដ៏សំខាន់ក្នុងសកម្មភាព “លួចការណ៍សម្ងាត់តាមបណ្តាញអ៊ីនធើណេត”របស់អាមេរិក ។ ប៉ុន្មានឆ្នាំចុងក្រោយនេះ ស្ថាប័នចិន ដូចជាសាកលវិទ្យាល័យឧស្សាហកម្មនៅតំបន់ភាគពាយ័ព្យនៃប្រទេសចិន និងមជ្ឈមណ្ឌលស្ទង់ពិនិត្យគ្រោះរញ្ជួយដីនៃក្រុងអ៊ូហានជាដើម បានរងការវាយប្រហារពីអង្គការHackerក្រៅប្រទេសជាច្រើនលើក ។ តាមរយៈការស៊ើបអង្កេតរបស់ចិនបានរកឃើញថា អ្នកបង្កការវាយប្រហារសុទ្ធតែមានទំនាក់ទំនងជាមួយស្ថាប័នសន្តិសុខអាមេរិក ។ នាពេលថ្មីៗកន្លងទៅនេះ របាយការណ៍ដែលចេញផ្សាយដោយស្ថាប័នចិន ដូចជាមជ្ឈមណ្ឌលជាតិដោះស្រាយវីរុសកុំព្យូទ័រជាបន្ទាន់របស់ចិនជាដើមក៏បានបញ្ជាក់ពីករណីនេះផងដែរ ។ របាយការណ៍បានបង្ហាញឱ្យឃើញថា ក្នុងរយៈពេលយូរ រដ្ឋាភិបាលសហរដ្ឋអាមេរិក ស្ថាប័នស៊ើបការណ៍អាមេរិក និងរដ្ឋសមាជិក “សម្ព័ន្ធភ្នែកប្រាំ”ឈ្លបយកការណ៍ពីអ្នកប្រើប្រាស់ទូរគមនាគមន៍និងបណ្តាញអ៊ីនធឺណែតនៅទូទាំងពិភពលោកក្នុងកម្រិតដូចគ្នា ព្រមទាំងបានអនុវត្តសកម្មភាព“ព្យុះទីហ្វុង Volt ”ដើម្បីផ្សព្វផ្សាយព័ត៌មានក្លែងក្លាយ ផ្សំគំនិតគ្នាបោកបញ្ឆោតសមាជិករដ្ឋសភា និងអ្នកជាប់ពន្ធរបស់អាមេរិក ដើម្បីទទួលបានការគាំទ្រខាងផ្លូវច្បាប់និងថវិកា ។

គេហទំព័រ «CCFR China state-controlled media » ការពិតជាក់ស្តែងច្បាស់នឹងភ្នែក ហើយក៏មានភស្តុតាងស្រស់ៗដែរ ។ មិនថាអាមេរិកឃោសនាបំប៉ោងពីអ្វីដែលហៅថា “ចារកម្មចិន”ដល់កម្រិតណាក៏ដោយ ក៏មិនអាចបិទបាំងធាតុពិតរបស់សកម្មភាពអាមេរិក ដែលមួលបង្កាច់និងទម្លាក់កំហុសឱ្យគេឡើយ ។ ផ្ទុយទៅវិញ ទង្វើទាំងនេះបានលាតត្រដាងនូវមុខមាត់ពិតរបស់អាមេរិកដែលជា “អាណាចក្រHacker”ឱ្យកាន់តែច្បាស់ក្រឡែត  ក៏ថែមទាំងធ្វើឱ្យកិត្តិនាមអាមេរិកដួលរលំយ៉ាងឆាប់ផងដែរ ៕

ដោយ ៖ សិលា