ភ្នំពេញ៖ បុរសម្នាក់បានជិះរថយន្តស៊េរីទំនេីបម៉ាក RANGE ROVER ចេញពីបុរី ជ្រុលទៅបុុករបាំងថ្មពុះចែកទ្រូងផ្លូវបាក់រលំអស់២កង់ហើយរថយន្តក៍បន្តជ្រុលទៅបុុករបងផ្ទះ មជ្ឈមណ្ឌលថែទាំរថយន្ដនិងម៉ូតូមួយកន្លែងបណ្តាលឲ្យរងការខូចខាតបន្ថែមទៀត ។
ហេតុការណ៍នេះបានកេីតឡេីងនៅ វេលាម៉ោង១១និង២០នាទីយប់ថ្ងៃ ទី៣១ ខែតុលា ឆ្នាំ២០២៤ ទល់មុខច្រកចូលបុរីជីបម៉ុង ស្ថិតតាមបណ្ដោយផ្លូវ២៧១ សង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុគេបានឃើញបុរសម្នាក់បានបេីករថយន្តម៉ាក RANGE ROVER ពណ៌ស ពាក់ផ្លាកលេខភ្នំពេញ 2AV 2232 ចេញពីក្នុងបុរីជីប ម៉ុងលុះមកដល់ចំនុចកេីតហេតុផ្លូវ ២៧១ស្រាប់តែអ្នកបេីកបរមិនដឹងថាមានរឿងអីនោះទេក៍ស្រាប់តែជាន់ហ្គែររថយន្ដបណ្តាលឲ្យស្ទុះទៅបុករបាំងថ្មពុះចែកទ្រូងផ្លូវ បាក់រលំ អស់ចំនួន២កង់ហេីយរថយន្ដ មិនទាន់អស់ល្បឿនក៍បន្តជ្រុលទៅបុុកនិងរបងមជ្ឈមណ្ឌលថែទាំរថយន្ដ និងម៉ូតូយីហោ VR បណ្តាលឲ្យវៀចរបងដែកអស់មួយផ្ទាំងនិងសំភារៈ មួយចំនួនព្រមទាំងធ្វើអោយរថយន្ត រងការខូចខាតខ្ទេចផែ្នកខាងមុខទៅ មុខលែងរួចហើយភ្លាមៗនោះអ្នកអ្នក បេីកបរមិនមានរងរបួសអ្វីនោះទេបានចេញពីរថយន្ដដេីរគេចចេញទៅបាត់ តែម្តង ។
ក្រោយពេលកេីតហេតុមិនមានការដោះស្រាយរថយន្ដត្រូវសមត្ថកិច្ច មូលដ្ឋានទាក់ទងជំនាញចរាចរណ៍ វាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកដេីម្បី រង់ចាំដំណោះស្រាយ ៕
ដោយ ៖ ភារ៉ា ដង្កោ
