ភ្នំពេញ៖ កម្លាំងនគរបាលការិយាល័យព្រហ្មទណ្ឌកម្រិតស្រាល​ នៃស្នងការដ្ឋាននគរបាលរាជធានីភ្នំពេញបានបើកការស្រាវជ្រាវ និងឈានដល់ការចាប់ឃាត់ខ្លួន ក្រុមជនសង្ស័យចំនួន៣នាក់ ដែលតែងតែធ្វើសកម្មភាពឆក់យកទ្រព្យសម្បត្តិប្រជាពលរដ្ឋតាមដងផ្លូវសាធារណៈ បណ្តាលឲ្យជនរងគ្រោះជាច្រើននាក់មានរបួសផងដែរ ។​ នេះបេីយោងតាមរបាយការណ៍ដែលក្រុមការងារកាសែតនគរវត្ត​ និងនគរដ្រេហ្កន​ ទទួលបាននាព្រឹកថ្ងៃទី៥​ ខែវិច្ឆិកា​ ឆ្នាំ​២០២៤​ ។

នគរបាលព្រហ្មទណ្ឌកម្រិតស្រាល​ បានបញ្ចាក់ថា​ នៅថ្ងៃទី០២ ខែវិច្ឆកា ឆ្នាំ២០២៤ វេលាម៉ោង ០៣និង ០០ នាទី ការិយាល័យនគរបាលព្រហ្មទណ្ឌកំរិតស្រាលឃាត់ខ្លួនជនសង្ស័យចំនួន ៣ នាក់ នៅចំណុច ផ្លូវព្រះមុន្នីរ៉ត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ពាក់ព័ន្ធប្រព្រឹត្តបទល្មើស អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា(ឆក់ទ្រព្យសម្បត្តិរបស់ប្រជាពលរដ្ឋ) ចំនួន ០៦ ករណីមានដូចជា​ ៖

.ករណីទី១ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់យកទូរសព្ទ័ ) ប្រព្រឹត្តនៅចំណុច ផ្លូវលេខ១៨២ ភូមិ២ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ កាលពីថ្ងៃទី០២ ខែតុលាឆ្នាំ២០២៤ វេលាម៉ោងប្រហែល០៦ និង០០ នាទី ។
.ករណីទី២ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយ ) ប្រព្រឹត្តនៅចំណុច ផ្លូវលេខព្រះមុន្នីរ៉ត សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ កាលពីថ្ងៃទី០៤ ខែតុលាឆ្នាំ២០២៤ វេលាម៉ោងប្រហែល០៥ និង២០ នាទី ។
.ករណីទី៣ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយ ) ប្រព្រឹត្តនៅចំណុច ផ្លូវលេខ២៧១ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ កាលពីថ្ងៃទី១៣ ខែកញ្ញា ឆ្នាំ២០២៤ វេលាម៉ោងប្រហែល០៤ និង៥០ នាទី ។
.ករណីទី៤ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយ ) ប្រព្រឹត្តនៅចំណុច ផ្លូវលេខ២៧១ សង្កាត់បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី០៣ ខែកញ្ញា ឆ្នាំ២០២៤ វេលាម៉ោងប្រហែល០៤ និង១០ នាទី ។
.ករណីទី៥ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយ ) ប្រព្រឹត្តនៅចំណុច ផ្លូវលេខ៧១BT សង្កាត់បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី២៥ ខែកញ្ញា ឆ្នាំ២០២៤ វេលាម៉ោងប្រហែល០៣ និង១០ នាទី ។
.ករណីទី៦ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយ ) ប្រព្រឹត្តនៅចំណុច ផ្លូវលេខ២៧១ សង្កាត់មានជ័យទី១ ខណ្ឌមានជ័យ រាជធានីភ្នំពេញ កាលពីថ្ងៃទី១២ ខែកក្កដា ឆ្នាំ២០២៤ វេលាម៉ោងប្រហែល០៤ និង១០ នាទី ។

អត្តសញ្ញាណជនសង្ស័យ ទី១ឈ្មោះ រិន សុវណ្ណារត្ន័ ហៅ គោ ភេទ ប្រុស អាយុ ១៨ឆ្នាំ ជនជាតិ ខ្មែរ
២. ឈ្មោះ ភក្តី ដូណា ហៅ ភូ ភេទ ប្រុស អាយុ ១៨ឆ្នាំ ជនជាតិ ខ្មែរ
៣.ឈ្មោះ អាត លៃហេង ហៅ ហេង ភេទ ប្រុស អាយុ ១៨ឆ្នាំ ជនជាតិ ខ្មែរ
វត្ថុតាងចាប់យក៖ម៉ូតូមួយគ្រឿងម៉ាក Nex 2 ពណ៌ខ្មៅ ពាក់ផ្លាកលេខ កណ្តាល-AD3620
ម៉ូតូមួយគ្រឿងម៉ាក Nex 2 ពណ៌ខ្មៅ ពាក់ផ្លាកលេខ កំពង់ស្ពឺ1M-9720

បច្ចុប្បន្នជនសង្ស័យ និងវត្ថុតាងចាប់យកខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនិតិវិធី ៕

ដោយ​ ៖​ ភារ៉ា​ ដង្កោ