ខេត្តសៀមរាប៖ ករណីឃាតកម្មចាក់ សម្លាប់យុវតីម្នាក់ ចំនួន ២៣ កាំបិត កាលពីវេលាម៉ោង០៨ព្រឹក ត្រូវថ្ងៃទី០៦ ខែវិច្ឆិកា ឆ្នាំ២០២៤ នៅចំណុចក្នុងផ្ទះជនរងគ្រោះ តាមបណ្តោយផ្លូវព្រលានចាស់ ក្រុងសៀមរាប ស្ថិតក្នុងភូមិ គោកដូង សង្កាត់ទឹកវិល ក្រុង សៀមរាប ខេត្តសៀមរាប។

ជនរងគ្រោះមានឈ្មោះ វណ្ណ សុភត្តា អាយុ ២៥ឆ្នាំ មុខរបរ លក់កាហ្វេនៅផ្ទះ និងជានិស្សិត ឆ្នាំទី៤ រស់នៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។

ក្រោយពេលកើតហេតុជនល្មើស បានរត់គេចខ្លួនបាត់ ដោយគេ សន្និដ្ឋានថា ជនល្មើសជាសង្សារ និងជនរងគ្រោះ ចំពោះមូលហេតុ យើងមិនទាន់ដឹងច្បាស់នៅឡើយទេ។

បច្ចុប្បន្នកម្លាំងសមត្ថកិច្ចកំពុងនៅទីតាំងកន្លែងកើតហេតុ ហើយកំពុងពិនិត្យស្រាវជ្រាវ ដើម្បីរកមុខឃាត ក ពិតប្រាកដយកមកផ្តន្ទាទោសតាមច្បាប់៕

ដោយ៖ រ៉ារ៉ា