អន្តរជាតិ ៖ នារសៀលថ្ងៃទី៩ ខែវិច្ឆកា ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ ថ្ងៃទី៩ខែវិច្ឆិកា លោកLi Qiangនាយករដ្ឋមន្ត្រីចិនបានផ្ញើសារជូនសម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីកម្ពុជា ដើម្បីអបអរសាទរខួបអនុស្សាវរីយ៍លើកទី៧១នៃទិវាបុណ្យឯករាជ្យជាតិនៃព្រះរាជាណាចក្រកម្ពុជា។

គេហទំព័រ «CCFR China state-controlled media » លោកLi Qiangបានលើកឡើងថា ប្រទេសចិននិងកម្ពុជា គឺជាមិត្តដែកថែបដែលមានទំនុកចិត្តគ្នាទៅវិញទៅមកនិងមានជោគវាសនារួមគ្នា។ ពេលបច្ចុប្បន្ននេះ ការកសាងសហគមន៍រួមវាសនារវាងចិន-កម្ពុជាកំពុងដំណើរការយ៉ាងរលូន។ ភាគីទាំងពីរគួរដើរតួនាទីយ៉ាងពេញលេញនៃយន្តការគណៈកម្មាធិការសម្របសម្រួលអន្តររដ្ឋាភិបាលនៃប្រទេសទាំងពីរបន្តបំពេញបន្ថែមក្របខ័ណ្ឌនៃកិច្ចសហប្រតិបត្តិការ”ត្បូងពេជ្រ” ពន្លឿនការកសាង”ច្រករបៀងឧស្សាហកម្មនិងបច្ចេកវិទ្យា”និង”ច្រករបៀងមច្ឆានិងអង្ករ” និងជំរុញការកសាងសហគមន៍រួមវាសនារវាងចិន-កម្ពុជាឱ្យទទួលការវិវឌ្ឍរីកចម្រើនថ្មីដោយឥតឈប់ឈរ៕

ដោយ ៖ សិលា