ភ្នំពេញ៖ មុននេះបន្តិចត្រូវបានប្រភពព័ត៌មានពីសាច់ញាតិដារាសម្ដែងជើងចាស់ អ្នកស្រី ឈុន ណារី ថាគាត់បានទទួលមរណៈភាព នារសៀលថ្ងៃទី១០ ខែសីហា ឆ្នាំ២០១៦ បន្ទាប់ពីមានជំងឺរាំរៃ ដោយទាចទឹកនោះ។

លោក ប្រាក់ ផាន់ ជាយុទ្ធជនពិការ និងជាស្វាមី បានប្រាប់ថា អ្នកស្រី ឈុន ណារី កំពុងត្រូវបានចាត់ចែងរៀបចំធ្វើបុណ្យតាមប្រពៃណីនៅគេហដ្ឋានរបស់គាត់ផ្ទាល់ស្ថិតក្នុងភូមិចុងកៅស៊ូ សង្កាត់ស្លក្រាម ខេត្តសៀមរាប ។

តាមក្រុមគ្រួសារបញ្ជាក់ថា សពអ្នកស្រីនឹងត្រូវរៀបចំបូជានៅថ្ងៃទី១២ ខែសីហា នេះ តាមការណែនាំពីលោកតាអាចារ្យ។

គួរំលឹកថា តារាសម្ដែងជើងចាស់អ្នកស្រី ឈុន ណារី ដែលគេធ្លាប់ឃើញស្នាដៃចុងក្រោយរបស់អ្នកស្រី ក្នុងរឿង «សុបិន្តឡូយ៩» របស់ ប៊ីប៊ីស៊ី ពេលនេះបានលាចាកលោកទៅហើយ ដោយបន្សល់ទុកនូវស្វាមីជាយុទ្ធជនពិការរស់នៅជាមួយកូនស្រីម្នាក់ក្នុងស្ថានភាពលំបាកផងដែរ៕

ដោយ៖ សុខ ខេមរា