ភ្នំពេញ៖ យុវជនជាសិស្សសាលាម្នាក់ជិះម៉ូតូលឿនមិនប្រយ័ត្នជ្រុលបុកម៉ូតូមួយគ្រឿងទៀតបណ្តាលឱ្យរងរបួសធ្ងន់ត្រូវបាន
កងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៨និង១៣នាទីថ្ងៃទី១២ ខែវិច្ឆិកា ឆ្នាំ២០២៤ នៅតាមផ្លូវ ជាតិលេខ៤នៅភូមិជម្ពូវ័នសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ ស៊ន់ ប្រសិទ្ធភេទប្រុស អាយុ១៦ឆ្នាំ បែកមាត់ ចុកទ្រូង រស់នៅភូមិសំរោង សង្កាត់សំរោងក្រោម ខណ្ឌ ពោធិ៍ សែនជ័យ ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកវ៉េវ ពណ៌ក្រហម ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតខណៈមកដល់ចំណុចកេីតហេតុស្រាប់តែមានយុវជនម្នាក់ជិះម៉ូតូម៉ាកស្កូបពី ពណ៌ស ពាក់ស្លាកលេខភ្នំពេញ1JF 7460 ធ្វេីដំណេីរមកពីក្រោយជ្រុលបុកបណ្តាលឱ្យដួលខ្ទាតចូលក្រោមរថយន្តមួយគ្រឿងដែលចតស្ងៀម ធ្វេីឱ្យអ្នកជិះម៉ូតូស្កូបពីរងរបួសធ្ងន់ដោយឡែកអ្នកជិះម៉ូតូវ៉េវ រងរបួសស្រាល។
ក្រោយកេីតហេតុជនរងគ្រោះត្រូវបានក្រុមសង្រ្គោះរបស់អង្គភាព៧១១កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យកុមារជាតិ ដោយឡែកម៉ូតូត្រូវបានសមត្ថកិច្ចយកទៅរក្សាទុករងចាំដោះស្រាយពេលក្រោយ៕
ដោយ៖សុខាសែនជ័យ
