ភ្នំពេញ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខក្រុមជនសង្ស័យក្មេងទំនើងរហស្សនាម DP Zin (ដើមពោធិ៍) ចំនួន១០នាក់ នៅរសៀលថ្ងៃទី២១ ខែវិច្ឆិកា ឆ្នាំ២០២៤ រួចបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍នីតិវិធី ពាក់ព័ន្ធករណីកាប់យុវជនរងគ្រោះស្លាប់ម្នាក់និងរបួសធ្ងន់ម្នាក់។
សូមបញ្ជាក់ថា ជនសង្ស័យរហស្សនាម DP Zin (ដើមពោធិ៍) ត្រូវបានកម្លាំងនគរបាលព្រហ្មទណ្ឌកម្រិលស្រាលនៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខណ្ឌពោធិ៍សែនជ័យ បង្ក្រាបបានកាលពីថ្ងៃទី១៨ ខែវិច្ឆិកា ឆ្នាំ២០២៤ នៅចំណុចទីតាំងបុកប៊ីយ៉ាមួយកន្លែង ស្ថិតក្នុងភូមិ ថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ។
-នគរបាលបានឱ្យដឹងថា ក្រោយពីឃាត់យកមកសាកសួរ ក្រុមក្មេងទំនើង DP Zin (ដើមពោធិ៍) នេះបានសារភាពថា ក្រុមពួកគេធ្លាប់ធ្វើសកម្មភាពចំនួន៣លើក មាន៖
-ទី១កាលពីថ្ងៃទី១២ ខែវិច្ឆិកា ឆ្នាំ២០២៤ វេលាម៉ោង១និង៥៨ នាទី នៅចំណុចផ្លូវប៉េតុង ភូមិថ្នល់បែក សង្កាត់ចោមចៅទី៣ ខណ្ឌពោធិ៍សែនជ័យ ធ្វើសកម្មភាពកាប់ម៉ូតូ និង កាប់ជនគ្រោះបណ្ដាលរងរបួស។
-លើកទី២ កាលពីថ្ងៃទី១៧ ខែតុលា ឆ្នាំ២០២៤ វេលាម៉ោង១២ និង០០នាទី នៅចំណុចដេប៉ូសាំងតូតាល់ផ្លូវ២០០៤ ក្នុង សង្កាត់អូរបែកក្អម ខណ្ឌសែនសុខ ធ្វេីសកម្មភាពកាប់បណ្ដាលជនរងគ្រោះខូចខាតម៉ូតូ និងរងរបួសដៃជាទម្ងន់។
-និងលើកទី៣ នៅចំនុច ផ្លូវបេតុង ភូមិ ចំការឪទ្បឹក សង្កាត់កាកាបទី១ ខណ្ឌពោធិ៍សែនជ័យ កាលពី ថ្ងៃទី១៦ខែវិច្ឆិកាឆ្នាំ២០២៤ វេលាម៉ោង ២៣:២៨នាទី បណ្តាលអោយជនរងគ្រោះឈ្មោះ ណារិទ្ធ តូណា ភេទ ប្រុស ឆ្នាំកំណើត២០០៧ ជនជាតិ ខ្មែរ មុខរបរ កម្មករលក់ទារខៃ មានទីលំនៅ ភូមិចំការត្បែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ (ស្លាប់) និងម្នាក់ទៀតរងរបួសធ្ងន់ ។
.ជនសង្ស័យទាំង១០មានឈ្មោះ
១-ឈ្មោះឈាង លីហួ ភេទប្រុស ឆ្នាំកំណើត២០០៧ ជនជាតិខ្មែរ មុខរបរ កាត់ដេរ មានទីលំនៅផ្ទះលេខ៥៤ ផ្លូវ លេខបB០០២ ភូមិថ្មគោល១ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
២-ឈ្មោះ ប៉ូ គឹមហុង ភេទប្រុស ឆ្នាំកំណើត២០០៧ ជនជាតិខ្មែរ មុខរបរ នៅផ្ទះ មានទីលំនៅផ្ទះមិនចាំលេខ ផ្លូវ បេតុង ភូមិថ្មគោល១ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
៣-ឈ្មោះខេង សាវៀត ហៅវីត ភេទប្រុស ឆ្នាំកំណើត២០០៧ ជនជាតិខ្មែរ មុខរបរ នៅផ្ទះ មានទីលំនៅផ្ទះមិន ចាំលេខ ផ្លូវបេតុង ភូមិគោកទាវ សង្កាត់ដង្កោ ខណ្ឌដង្កោ រាជធានីភ្នំពេញ ។
៤-ឈ្មោះហាន់ណាហ្វី ម៉ូហាំម៉ាត់តាវហ្វីច ភេទប្រុស ឆ្នាំកំណើត២០០៧ ជនជាតិខ្មែរ មុខរបរ សិស្សវិទ្យា ស្ថានពហុបច្ចេកទេសកម្ពុជា មានទីលំនៅផ្ទះលេខ១២បេ ផ្លូវបេតុង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
៥-ឈ្មោះថា វ៉ាន់ធី ភេទប្រុស ឆ្នាំកំណើត២០០៧ ជនជាតិខ្មែរ មុខរបរ សិស្សសាលាគោកបញ្ជាន់ មានទីលំនៅ ផ្ទះគ្មានលេខ ផ្លូវលំ ភូមិទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
៦-ឈ្មោះហុក វណ្ណា ភេទប្រុស ឆ្នាំកំណើត២០០៧ ជនជាតិខ្មែរ មុខរបរ ជាងជួសជុលរថយន្ត មានទីលំនៅផ្ទះ គ្មានលេខ ផ្លូវលំ ភូមិថ្មគោល២ សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
៧-ឈ្មោះម៉ែន សិទ្ធិញ្ញាន ភេទប្រុស ឆ្នាំកំណើត២០០៦ ជនជាតិខ្មែរ មុខរបរ សិស្សសាលាមីគីវ៉េ មានទីលំនៅ ផ្ទះមិនចាំលេខ ផ្លូវបេតុង ភូមិព្រៃល្វា សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
៨-ឈ្មោះផន ឆារះឆៃ ភេទប្រុស ឆ្នាំកំណើត២០០៧ ជនជាតិខ្មែរ មុខរបរ កម្មករសំណង់ មានទីលំនៅផ្ទះមិនចាំ លេខ ផ្លូវលំ ភូមិថ្មគោល២ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
៩-ឈ្មោះសៅ ជាបម៉េង ភេទប្រុស ឆ្នាំកំណើត២០០៨ ជនជាតិខ្មែរ មុខរបរ សិស្សវិទ្យាល័យ សាមគ្គី មានទីលំនៅផ្ទះ លេខ១៧ ផ្លូវបេតុង ភូមិត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ ។
១០-ឈ្មោះអ៊ុង សេងហុង ភេទប្រុស ឆ្នាំកំណើត២០០៧ ជនជាតិខ្មែរ មុខរបរ នៅផ្ទះ មានទីលំនៅផ្ទះមិនចាំ លេខ ផ្លូវលំ ភូមិថ្មគោល២ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
-វត្ថុតាងចាប់យក
កាំបិតប៉័ងតោចំនួន ០១ ម៉ូតូម៉ាក SUZUKI SMASH ពណ៌ខ្មៅ ពាក់ផ្លាកលេខ កណ្តាល ១២-៥១៧២ ចំនួន ០១ គ្រឿង ។ ម៉ូតូម៉ាកហុងដាសេ១២៥ ពណ៌ ខ្មៅសេរី ឆ្នាំ២០២៤ លេខតួ លេខម៉ាស៊ីន ០១២៧៨១៤ ពាក់ផ្លាកលេខភ្នំពេញ KO-៩០៩៥ ចំនួន ០១ គ្រឿង ។ ១ម៉ូតូម៉ាក ស៊ុយហ្ស៊ីយគីនិច ពណ៌ ក្រហមស សេរីឆ្នាំ២០២៤ លេខតួ ១១២៣ លេខម៉ាស៊ីន១៣៩៦ ពាក់ផ្លាក លេខភ្នំពេញ ១KW-៦៣៩៦ ។
-បច្ចុប្បន្នជនសង្ស័យទាំង១០និងវត្តុតាំងខាងលើការិយាល័យបព្ជូានទៅសាលាដំបូងរាជធានីភ្នំពេញដើម្បីចាត់ការតាមនិតិវិធីផ្លូវច្បាប់ ៕ដោយ ៖ ភារ៉ា ដង្កោ
