បន្ទាប់ពីប្រទេសនៅជុំវិញដែនសមុទ្រចិនភាគខាងត្បូងព្រួយបារម្ភពីប្រទេសចិនពង្រីកការគ្រប់គ្រង់នៅដែនសមុទ្រចិនភាគខាងត្បូងហើយបង្កើតកោះសិប្បនិមិត្តធ្វើជាទីតាំងយោធានៅទីនោះ។ នៅពេលនេះឥណ្ឌាក៏ព្រួយបារម្ភពីចិនអាចទៅសាងសង់កោះសិប្បនិមិត្តនៅមហាសមុទ្រឥណ្ឌា។
អត្ថបទមួយដែលបានផ្សព្វផ្សាយលើទស្សនាវដ្តី The national Interest បានបង្ហាញពីការព្រួយបារម្ភ ពេលចិនមានគម្រោងពង្រីកសកម្មភាពសាងសង់កោះសិប្បនិមិត្តនៅមហាសមុទ្រឥណ្ឌា ក្រោយពេលដែលប្រទេសMaldives បានកែប្រែរដ្ឋធម្មនុញ្ញអនុញ្ញាត្តិឲ្យបរទេសអាចទិញដីរស់នៅក្នុងប្រទេសនេះបាន។
រដ្ឋាភិបាលMaldives បានអនុម័តច្បាប់កែប្រែរដ្ឋធម្មនុញ្ញឲ្យអ្នកវិនិយោគបរទេសដែលបានចំណាយប្រាក់ជាង១ពាន់លានដុល្លារអាចទិញដីជាកម្មសិទ្ទផ្ទល់ខ្លួន។ ភាគីឥណ្ឌាបានបង្ហាញការព្រួយបារម្ភយ៉ាងខ្លាំងពីសកម្មភាពទាំងនោះ។ ឥណ្ឌាជាប្រទេសមានទំនាក់ទំនងយ៉ាងជិតស្និតជាមួយប្រទេសម៉ាលឌីវនិងស្រីលង្ការបានបង្ហាញការព្រួយបារម្ភពីការចូលរួមកាន់តែច្រើនឡើងរបស់ចិននៅមហាសមុទ្រឥណ្ឌា។ ចិនអាចចំណាយប្រាក់យ៉ាងច្រើនដើម្បីសាងសង់កំពុងផែនៅទីនោះ។មន្ត្រីយោធាឥណ្ឌាបានបង្ហាញការព្រួយបារម្ភថាចិនអាចក្តាប់យលឧកាសនោះដើម្បីពង្រីកកោះបន្ថែមនៅម៉ាលឌីវជាតំបន់ដែលមានភូមិសាស្ត្រយុទ្ធសាស្ត្រដ៏សំខាន់នៅមហាសមុទ្រឥណ្ឌ។
ឥណ្ឌាបានបង្ហាញការព្រួយបារម្ភយ៉ាងខ្លាំង ដោយត្រូវប្រឈមមុខជាមួយចិនទាំងនោះលើដែននិងដែនទឹក។ ប៉ុន្តែចំពោះឥណ្ឌាខុសពីប្រទេសនៅដែនសមុទ្រចិនភាគខាងត្បូង ដោយឥណ្ឌាមានគ្រាប់បែកបរម៉ាណូយុទ្ធសាស្ត្រនិងកាំជ្រួចមីស៊ីទំនើបៗអាចបំពាក់ក្បាល់គ្រាប់បរម៉ាណូជាច្រើនផងដែរ។ ប្រើប្រៀបធៀបកម្លាំងឥណ្ឌានិងចិនប្រហាក់ប្រហែលគ្នាហើយបើផ្ទុះសង្គ្រាមនិងគ្នានោះពិបាកកំណត់ថាប្រទេសណាមួយជាអ្នកយកឈ្នះ។
ឥណ្ឌាមានប្រទេសលោកខាងលិចជាសម្ព័ន្ធមិត្តដូចជាអាមេរិកជាដើម សព្វាវុធទំនើបៗរបស់ឥណ្ឌាភាគច្រើនក៏ទិញពីអាមេរិកផងដែរ។ ចំណែកចិនវិញមានសម្ព័ន្ធមិត្តគឺប្រទេសរុស្ស៊ី ប៉ុន្តែមិនប្រាកដថារុស្ស៊ីនឹងជួយចិននោះឡើយបើមានសង្គ្រាមកើតឡើងនោះ។
សកម្មភាពរបស់ចិននាពេលកន្លងមកនឹងនៅពេលនេះបានបង្ករការព្រួយបារម្ភយ៉ាងខ្លាំងនៅសង្គ្រាមដែលអាចកើតឡើងគ្រប់ពេលវេលា។ អ្នកឯកទេសអាមេរិកក៏បានបញ្ចាក់ផងដែរថាសង្គ្រាមលោកលើកទី៣កើតឡើងគឺដើម្បីប្រឆាំងចិន។
ចិនកំពុងតែដើរកូនអុកមរណៈនៅដែនសមុទ្រ ដោយបានលុបធ្វើជាកោះសិប្បនិមិត្តនៅសមុទ្រដាច់ស្រយាលធ្វើជាទីតាំងយោធានិងជាកន្លេងសម្រាប់លាក់នាវាមុជទឹករបស់ចិនគេចផុតពីការចាប់បានពីប្រព័ន្ធរ៉ាដារបស់អាមេរិក។នៅពេលនេះចិនបានបង្កើតកោះសិប្បនិមិត្តដោយជោគជ័យនៅដែនសមុទ្រចិនភាគខាងត្បូង ហើយពេលនេះកំពុងតែសម្តៅបង្កើតកោះសិប្បនិមិត្ត ធ្វើជាទីតាំងទាហានជើងទឹកនៅសមុទ្រឥណ្ឌាទៀតផងពិសេសនៅក្នុងដែនសមុទ្រប្រទេសម៉ាលឌីវ។
សម្ព័ន្ធមិត្តយុទ្ធសាស្ត្ររបស់ចិននាពេលនេះគឺប្រទេសរុស្ស៊ីហើយរុស្ស៊ីកំពុងតែជាប់រវាល់ទប់ទល់នឹងការដាក់ទណ្ឌកម្មរបស់លោកខាងលិច។ ក្នុងរយៈពេល១ឆ្នាំកន្លងមក ទីក្រុងប៉េកាំងនិងទីក្រុងមូស្កូនបានចុះកិច្ចព្រមប្រៀងដៃគូយុទ្ធសាស្ត្របានតែ៣៤ចំណុចប៉ុណ្ណោះ។
ក្រុមអ្នកឯកទេសបញ្ចាក់ផងដែរថា រុស្ស៊ីអនាគត់នឹងក្លាយជាប្រទេសស្ថិតនៅក្រុមអត្ថិពលរបស់ចិនជាមិនខានដោយសាតែសេដ្ឋកិច្ច។នៅពេលដែលរុស្ស៊ីបានសង្គ្រាមជាមួយអាមេរិក ឬនៅតែបន្តប្រឈមមុខជាមួយលោកខាងលិចនោះសេដ្ឋកិច្ចរបស់រុស្ស៊ីនឹងត្រូវពឹងផ្អែកជាច្រើនទៅលើប្រទេសចិន អាចប្រែក្លាយជាកូនអ៊ុករបស់ចិនសម្រាប់ទប់ទល់និងអាមេរិក។ ដោយសារតែរុស្ស៊ីមានសេដ្ឋកិច្ចទន់ខ្សោយហើយមានប្រជាជនតិចទៀតនោះអាចនឹងស្ថិតនៅក្រោមចិនជាមិនខាន។
ការវាយប្រហារជាទ្រងទ្រាយធំនាពេកន្លងមកទៅលើបណ្តាញស៊ីវិលនិងយោធារបស់អាមេរិកបានបង្ហាញយ៉ាងច្បាស់ថាចិនមានសមត្ថភាពខ្ពស់នៅក្នុងការវាយប្រហារតាមបណ្តាញដែលធ្វើឲ្យអាមេរិកព្រួយបារម្ភយ៉ាងខ្លាំង។ ក្រុម Hacker ចិនអាចវាយលុកចូលទៅក្នុងប្រព័ន្ធបណ្តាញយោធារបស់អាមេរិកអាចលួចយកឯកសារសំខាន់ៗស្តីពីយុទ្ធសាស្ត្រយោធា។
អ្វីដែលអាមេរិកបង្ហាញការព្រួយបារម្ភនោះសព្វាវុធរបស់អាមេរិកជាច្រើនក្នុងនោះមានទាំងយន្តហោះចម្បាំងទំនើបបំផុតរបស់អាមេរិកបានឧប្បករជាច្រើនផលិតនៅក្នុងប្រទេសចិន។ ជាមួយគ្នានោះឧប្បករអេឡិចត្រូវនិច្ច ៨០ភាគរយប្រើប្រាស់នៅអាមេរិកជាផលិតផលMade in China។
ដូចអ្វីដែលអ្នកឯកទេសអាមេរិកបានលើកឡើងសង្គ្រាមលោកលើកទី៣អាចកើតឡើងបានគឺដោយសារតែចិន ហើយសង្គ្រាមនោះក្នុងគោលដៅទប់ទល់អត្ថិពលរបស់ចិន។ ចំពោះចិនវិញដោយដឹងច្បាស់ថាខ្លួនមិនអាចយកឈ្នះអាមេរិកនាពេលនេះទើបខិតខំស្វែករកសម្ព័ន្ធមិត្តដើម្បីអាចវាយពីក្រោយខ្នងអាមេរិកនៅពេលដែលមានសង្គ្រាមផ្ទុះឡើង ។ចំណុចទាំងនោះធ្វើឲ្យចិនត្រូវតែចំណាយប្រាក់ជាច្រើនទៅកាន់ទ្វិបខ្មៅដែលអាមេរិកបានបោះបង់ចោល ហើយក៏ជាដំបន់ដែលបាត់បង់ជំនឿរលើអាមេរិកទាំងស្រុង។
នៅមុខពេលដែលសង្គ្រាមកើតឡើងរវាងអាមេរិកនិងចិន អ្វីដែលចិនត្រូវធ្វើដំបូងគេនោះគឺបញ្ចូនក្រុមhacker ទៅបំផ្លាញបណ្តាញ់របស់អាមេរិក ទាំងនោះហើយធ្វើឲ្យអាមេរិកមានភាពចលាចលបាត់បង់ទិសដៅក្នុងការវាយប្រហារ។ ចិនអាចយកឈ្នះអាមេរិកនៅក្នុងសង្គ្រាមបាន គឺត្រូវតែប្រើល្បិច បើប្រើកម្លាំងបាយប្រាកដជាមិនអាចឈ្នះឡើយ។ មួយវិញទៀតចិនកំពុងតែខិតខំដាក់ពង្រាយយោធានៅទិសក្នុងគោលដៅទប់ទលនិងអាមេរិក ។បើចិនមានទីតាំងយោធាតែនៅក្បែរប្រទេសខ្លួនឯងនោះងាយស្រួងរងការវាយប្រហារ ទាំងនោះហើយបានធ្វើឲ្យចិនត្រូវតែបង្កើតកោះសិប្បនិមិត្តជាច្រើននៅគ្រប់ទិសទាំងនៅសមុទ្រចិនខាងត្បូង សមុទ្រខាងកើត និងនៅពេលនេះគឺមហាសមុទ្រឥណ្ឌា៕
