ភ្នំពេញ៖ កូនទុនទីបានធ្វេីការឃាត់ខ្លួនមេតុនទីនម្នាក់ប្រគល់ជូនសមត្ថកិច្ចដេីម្បីចាត់ការតាមនីតិវិធីក្រោយកេចវេសមិនទទួលខុសត្រូវពីមួយខែទៅមួយខែរហូតដល់ឆ្នាំ ។
ការឃាត់ខ្លួនមេតុនទីខាងលេីនេះបានធ្វេីឡេីងកាលពីព្រឹកថ្ងៃទី ០៦ ខែធ្នូ ឆ្នាំ២០២៤ នៅភូមិថ្នល់បុះបែក សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យដែលឃាត់ខ្លួនឈ្មោះ អឹម ផារ៉ុង ភេទប្រុស អាយុ ៣៧ ឆ្នាំ មុខរបរ មេតុនទីន មានទីលំនៅ ភូមិថ្នល់បំបែក សង្កាត់ ចោមចៅ ទី៣ ខណ្ឌពោធិ៍សែនជ័យ រាជធានីភ្នំពេញ។ ចំណែកប្រពន្ធ.ឈ្មោះ មី អេងលី ភេទស្រី អាយុ ២៣ឆ្នាំ មុខរបរ មេតុនទីន (គេចខ្លួន) ។
ជនរងគ្រោះទី១. ឈ្មោះ អេង ស៊ីណាត ភេទស្រី អាយុ ៣១ឆ្នាំ មុខរបរ លក់ដូរ មានទីលំនៅ ភូមិថ្នល់បំបែក សង្កាត់ចោមចៅទី
៣ ខណ្ឌពោធិ៍សែនជ័យ រាជធានីភ្នំពេញ។
២. ឈ្មោះ ឃន់ សុចាន់ ភេទស្រី អាយុ ៤១ឆ្នាំ មុខរបរ មេផ្ទះ មានទីលំនៅ ភូមិថ្នល់បំបែក សង្កាត់ចោមចៅទី
៣ ខណ្ឌពោធិ៍សែនជ័យ រាជធានីភ្នំពេញ។
លុយដែលមេតុនទីបានទទួលពីជនរងគ្រោះចំនួន ១៣៨,៣១៥ ដុល្លារ(ដប់បីម៉ឺនប្រាំបីពាន់បីរយដប់ប្រាំដុល្លារ)។
តាមរបាយការណ៍សមត្ថកិច្ចបានឱ្យដឹងថា កាលពីថ្ងៃទី ៣០ ខែ មិថុនា ឆ្នាំ២០២៣ វេលាម៉ោង ១០ និង ៣០ នាទី មុនពេលកើតហេតុជនសង្ស័យជាមេតុនទីនរស់នៅ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បានបបួលជនរងគ្រោះលេង តុងទីន និងខ្ចីលុយជនរងគ្រោះតែមិនទទួលខុសត្រូវដោយគេចវេសមិនទទួលខុសត្រូវពីមួយខែទៅមួយខែរហូតដល់ឆ្នាំ លុះរហូតដល់ថ្ងៃទី ០៦ ខែធ្នូ ឆ្នាំ២០២៤ ជនរងគ្រោះ និងឈ្មោះ ទឹម សុវណ្ណរដ្ឋា ឃើញជនសង្ស័យឈ្មោះ ជឹម ផារ៉ុង ភេទ ប្រុស(ប្តី) នៅផ្ទះភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ក៏ធ្វើការឃាត់ខ្លួនជន សង្ស័យនាំយកមកប្រគល់ឱ្យសមត្ថកិច្ចប៉ុស្តិ៍នគរបាលរដ្ឋបាលចោមចៅទី៣ដើម្បីធ្វើការសាកសួរតែម្តង។
នៅចំពោះមុខសមត្ថកិច្ចជនសង្ស័យបានសារភាពថាខ្លួនពិតជាបានលេងតុនទីននិងខ្ចីលុយជនរងគ្រោះពិតប្រាកដមែន រួចជនរងគ្រោះក៏បានដាក់ពាក្យបណ្តឹងទៅជនសង្ស័យ ។ បច្ចុបន្នជនសង្ស័យត្រូវបានសមត្ថកិច្ចបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការបន្ត៕
ដោយ៖សុខាសែនជ័យ
