ភ្នំពេញ៖ បុរសម្នាក់សង្ស័យស្រវឹងស្រា បានជិះម៉ូតូម៉ាកហុងដាឌ្រីម ជ្រុកទៅបុកគល់ស្ពានអាកាសផ្សារដីហុយ បណ្ដាលឲ្យខ្ទប់និងគល់ស្ពានរងរបួសធ្ងន់ បន្ទាប់មកប្រជាពលរដ្ឋក៏បានទាក់ទងទៅរថយន្ដសង្គ្រោះបន្ទាន់ដឹកទៅមន្ទីរពេទ្យលោកសង្ឃភ្លាម ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង ៨ និង១០នាទីយប់ ត្រូវថ្ងៃទី០៧ ខែធ្នូ ឆ្នាំ២០២៤ ស្ថិតតាមបណ្ដោយផ្លូវសហព័ន្ធរុស្សី ត្រង់ចំនុចគល់ស្ពានអាកាសផ្សារដីហុយ ក្នុងសង្កាត់ទឹកថ្លា ខណ្ឌសែនសុខ ។
តាមប្រភពព័ត៌មានពីកន្លែងកេីតហតុបានឲ្យដឹងថា មនុពេលកើតហេតុ មានបុរសម្នាក់ជិះម៉ូតូគ្រឿងម៉ាកហុងដាឌ្រីមស៊េរី២០២១ ពណ៌ខ្មៅ ពាក់ផ្លាកលេខស្វាយរៀង 1R.5849 ទំនងជាស្រវឹងស្រា ធ្វើដំណើរតាមបណ្ដោយផ្លូវសហព័ន្ធរុស្សី ទិសដៅពីកើតមកលិច ក្នុងល្បឿនលឿន ខណះមកដល់ចំនុចកើតហេតុក៏បានរេចង្កូតម៉ូតូទៅបុកនិង គល់ស្ពានអាកាសផ្សារដីហុយ ខ្ទប់និងគល់ស្ពានរងការខូចខាតផ្នែកពីមុខម៉ូតូយ៉ាងដំណំ ចំណែកម្ចាស់ម៉ូតូរងរបួសធ្ងន់ ភ្លាមនោះប្រជាពលរដ្ឋក៏បានទាក់ទងទៅរថយន្ដសង្គ្រោះបន្ទាន់ ដឹកទៅមន្ទីរពេទ្យលោកសង្ឃភ្លាមៗ ។
ក្រោយមក សមត្ថកិច្ចមូលដ្ឋានប៉ុស្ដិ៍ទឹកថ្លាបានចុះមកដល់ និងបានសហការជាមួយសមត្ថកិច្ចជំនាញចរាចរណ៍ធ្វើវាលវែងយកម៉ូតូជនរងគ្រោះទៅរក្សារទុកជាបណ្ដោះអាសន្ន រង់ចាំចាត់ចែងបន្តតាមក្រោយ៕ ដោយ ៖ ភារ៉ា ដង្កោ
