ខេត្ដព្រះវិហារ៖ ស្ដ្រីមេម៉ាយអភ័ព្វ ម្នាក់រស់នៅជាយដែនក្នុងស្រុកជាំក្សាន្ដ ខេត្ដព្រះវិហារ បានតស៊ូក្នុងឆាកជីវិតស៊ី ឈ្នួលលាងចានគុយទាវនិងការងារផ្សេងៗ ទៀតដើម្បីចិញ្ចឹមកូនតូចៗ៨នាក់នៅ ក្នុងបន្ទុក ។ មានពេលខ្លះកូនៗត្រូវហូប បាយជាមួយដុំអំបិលព្រោះតែស្ដ្រីមេម៉ាយ រូបនេះមិនស្រួលខ្លួនដែលមិនអាចទៅធ្វើ ការងារឱ្យគេបាន ។
ជួបជាមួយអ្នកយកព័ត៌មាននគរវត្ដ ស្ដ្រីមេម៉ាយអភ័ព្វ ស៊ឹម ធីតា អាយុ៣៨ ឆ្នាំ រស់នៅភូមិ-ឃុំ-ស្រុកជាំក្សាន្ដ ខេត្ដ ព្រះវិហារ បានរៀបរាប់ឱ្យដឹងថា ជារៀង រាល់ថ្ងៃគាត់បានចាកចេញពីផ្ទះដើម្បីទៅ ស៊ីឈ្នួលលាងចានគុយទាវឱ្យគេនៅផ្សារជាំក្សាន្ដ ដោយទុកកូនតូចៗនៅផ្ទះគ្មាន អ្នកមើលថែ ។ ការស៊ីឈ្នួលក្រៅពីលាង ចានគុយទាវនិងបោកសម្លៀកបំពាក់ឱ្យ គេតាមផ្ទះ ជួនគេឱ្យប្រាក់ ជួនគេឱ្យបាយ សម្លដើម្បីយកមកឱ្យកូនៗហូប១ថ្ងៃរួច ១ថ្ងៃ ។ មានថ្ងៃខ្លះរូបគាត់មិនស្រួលខ្លួន ដែលមិនអាចទៅស៊ីឈ្នួលគេបានត្រូវ បង្ខំចិត្ដសុ*ំអង្ករនិងអង្ករសេសសល់បន្ដិច បន្ដួចក្នុងពាងដាំបាយឱ្យកូនហូបជាមួយ នឹងដុំអំបិល ។
ស្ដ្រីមេម៉ាយ ស៊ឹម ធីតា និយាយមក ដល់ត្រឹមនេះគាត់បានហូរទឹកភ្នែកដោយ មិនដឹងខ្លួនរៀបរាប់ពីដំណើរជីវិតដ៏អភ័ព្វ របស់គាត់ថា កាលពីគាត់នៅមិនទាន់ មានគ្រួសារឪពុកម្ដាយបងប្អូនពុំបាន យកចិត្ដទុកដាក់ចំពោះរូបគាត់នោះទេ ហើយដល់ពេលមានគ្រួសារនិងមានកូន តូចៗសូម្បីម្ដាយក្មេកឪពុកក្មេកក៏ព្រងើយ កន្ដើយនិងមិនបានផ្ដល់ភាពកក់ក្ដៅដល់ ចៅៗនេះដែរ ។ បច្ចុប្បន្នកូនរបស់គាត់ ទាំង៨នាក់ពុំមាននរណាម្នាក់បានចូល សិក្សាក្នុងសាលារដ្ឋនោះទេ លើកលែង តែកូនច្បងម្នាក់គត់បានចូលសិក្សានៅ សាលាយេស៊ូ ។
ស្ដ្រីមេម៉ាយរូបនេះបានឱ្យដឹងដែរថា ប្ដីរបស់គាត់បានចុះចោលផ្ទះនិងកូន ដោយគ្មានមូលហេតុ ហើយក៏មិនដឹងថា ស្លាប់ឬរស់នោះដែរ ខណៈដែលមានអ្នក ស្រុកខ្លះបានប្រាប់ថា ប្ដីរបស់គាត់នៅ រស់និងខ្លះទៀតថាបានស្លាប់ដោយគ្រោះ ថ្នាក់ចរាចរណ៍ ។
ស្ដ្រីមេម៉ាយអភ័ព្វបានបញ្ជាក់ថា ការ រស់នៅសព្វថ្ងៃគាត់ទទួលរ៉ាប់រងចិញ្ចឹម កូនៗធ្ងន់ធ្ងរខ្លាំងណាស់គឺរស់នៅប្រៀបបីដូចជាសត្វរកចំណីឱ្យកូនៗតាំងពីព្រឹក រហូតដល់ព្រលប់ក៏មាន ។ ប្រសិនបើ មានអង្គការណាដែលគេទទួលក្មេងៗ គាត់នឹងយកកូនៗរបស់គាត់ទៅផ្ញើដើម្បីឱ្យពួកគេមានអនាគតទៅថ្ងៃខាងមុខ ។ កូនរបស់គាត់ទាំង៨នាក់ទី១-ឈ្មោះសឹម សុធី ភេទស្រី អាយុ១៨ឆ្នាំ(រៀននៅ សាលាយេស៊ូ) ទី២- ឈ្មោះស៊ឹម វិសាល ភេទប្រុស អាយុ១៦ឆ្នាំ ទី៣-ឈ្មោះ ស៊ឹម ភារុន ភេទប្រុស អាយុ១៣ឆ្នាំ ទី៤-ឈ្មោះស៊ឹម សុខហេង ភេទប្រុស អាយុ ១២ឆ្នាំ ទី៥-ឈ្មោះស៊ឹម សុខលាភ ភេទ ស្រី អាយុ៦ឆ្នាំ ទី៦- ឈ្មោះស៊ឹម សុបាន ភេទប្រុស អាយុ៤ឆ្នាំ ទី៧-ឈ្មោះស៊ឹម សុនិត ភេទប្រុស អាយុ២ឆ្នាំ និងទី៨-ឈ្មោះស៊ឹម សុនី ភេទប្រុស អាយុ១ឆ្នាំ ។
ស្ដ្រីអភ័ព្វខាងលើនេះបានលើកដៃ សំពះសូមក្ដីអាណិតអាសូរពីសប្បុរសជន មេត្ដាជួយដល់គ្រួសាររបស់គាត់ដែល កំពុងជួបការលំបាកនិងការខ្វះខាតចំណី អាហារផ្ដល់ឱ្យកូនៗហើយមានតែបងប្អូនទេដែលអាចជួយដល់គ្រួសារគាត់បាន។
ក្នុងដំណើរជីវិតដ៏អភ័ព្វនិងលំបាក របស់ស្ដ្រីមេម៉ាយទទួលរ៉ាប់រងចិញ្ចឹម កូនៗនេះដែរ អ្នកស្រីចន្ទ ណា អាជីវករ លក់ដូរនៅផ្សារជាំក្សាន្ដបានប្រាប់ឱ្យដឹង ដែរថា រៀងរាល់ថ្ងៃគាត់បានឃើញស្ដ្រី មេម៉ាយ ស៊ឹម ធីតា តែងតែមកលាង ចានគុយទាវឱ្យគេនិងជួនពេលខ្លះគេមិន ឱ្យលាងចានគុយទាវគាត់ (ស្ដ្រី ស៊ឹម ធីតា) ក៏ទៅរកស៊ីឈ្នួលបោកគក់ខោអាវ និងរើសអេតចាយលក់ដើម្បីយកប្រាក់ ទិញអង្ករត្រីសាច់ទើបត្រឡប់ទៅផ្ទះវិញ។ ស្ដ្រីចន្ទ ណា អាជីវកររូបនេះបានបញ្ជាក់ ថា ស្ដ្រី ស៊ឹម ធីតា គឺគាត់ធ្វើការមិន រើសមុខការងារអ្វីឡើយឱ្យតែបានប្រាក់ និងបាយយកទៅឱ្យកូនៗដែលជួនពេលខ្លះ មានគេឱ្យម្ហូបបាយជំនួសការងារដែល បានធ្វើក៏មាន ។
ដោយឡែកអ្នកស្រី មិក កញ្ញា ជា អាជីវករនៅផ្សារជាំក្សាន្ដដែរនោះបានឱ្យដឹងដែរថា អាជ្ញាធរមូលដ្ឋាននិងអាជ្ញា ធរស្រុកជាំក្សាន្ដដូចជាមើលរំលងគ្រួសារ របស់ស្ដ្រីមេម៉ាយទីទ័លក្រខាងលើនេះ។
ទាក់ទិននឹងការលើកឡើងនេះលោក យ៉ិន យឿន មេឃុំជាំក្សាន្ដបានសារភាព ថា លោកហាក់ដូចជាមើលរំលងគ្រួសារ នេះមែនព្រោះតែគ្រួសារខាងលើនេះ ទើបមករស់នៅបានប្រមាណជា១ឆ្នាំ ប៉ុណ្ណោះ។ លោកបានបន្ដថា គ្រួសារនេះ ចាប់តាំងមករស់នៅក៏មិនដែលមកទាក់ ទង ឬពិភាក្សារកជំនួយពីអាជ្ញាធរទើប លោកមិនអាចដឹងបាន ហើយប្រសិនបើ លោកបានដឹងនោះអាជ្ញាធរឃុំមិន ព្រងើយកន្ដើយចំពោះពលរដ្ឋខ្វះខាតនៅក្នុងមូលដ្ឋាននោះទេ ។ កន្លងទៅប្រមុខ រាជរដ្ឋាភិបាលកម្ពុជា ពិសេសសម្ដេច អគ្គមហាសេនាបតីតេជោ ហ៊ុន សែន ធ្លាប់មានប្រសាសន៍ថា មិនឱ្យពលរដ្ឋ ណាម្នាក់ស្លាប់ដោយអត់បាយឡើយ ៕ ឡូ សំអាត
