មណ្ឌលគិរី៖ នៅស្នង ការខេត្តមណ្ឌលគិរីបានរៀបចំពិធីប្រកាស ផ្ទេរភារកិច្ច តែងតាំង មុខតំណែងថ្មី និងបំពាក់ឋាន ន្តរស័ក្កនារសៀលថ្ងៃទី៣១ ខែកក្កដា នេះក្រោម អធិបតីភាព លោកឧត្តមសេនីយ៍ ត្រី ញ៉ែម វ៉ាន់នី ស្នងការនគរបាល ខេត្តមណ្ឌលគិរី ដោយមានការអញ្ជើញចូលរួមពីមន្រ្តី នគរបាលគ្រប់លំដាប់ថ្នាក់ក្នុងខេត្តផងដែរ។
នាយការិយាល័យបុគ្គលិក លោកវរសេនីយ៍ទោ ម៉ៅ រិទ្ធី បានឱ្យដឹងថាមន្ត្រីនគរបាលដែលបានផ្ទេរភារ កិច្ចតែងតាំង មុខតំណែង និងបំពាក់ឋានន្តរស័ក្កនាពេលនេះរួមមាន ថ្នាក់អនុសេនីយ៍ទោចំនួន ៥នាក់ ថ្នាក់អនុសេនីយ៍ត្រីចំនួន ៤នាក់ និងថ្នាក់ព្រិន្ទបាលឯកចំនួន៤នាក់ផងដែរ។
នៅក្នុងឱកាសនោះដែរ លោកឧត្តមសេនីយ៍ត្រី ញ៉ែម វ៉ាន់នី ស្នងការនគរបាលខេត្តមណ្ឌលគិរី បានមានប្រសាសន៍ផ្តាំផ្ញើរដល់មន្រ្តីនគរបាលដែលទើបតែបំពាក់ឋានន្តរពេលនេះ ត្រូវយកចិត្តទុកដាក់អនុវត្ត នូវតួនាទីភារកិច្ច របស់ខ្លួនឱ្យបានកាន់តែល្អបន្ថែមទៀត ដើម្បីការពារនូវសន្តិសុខ និងសណ្តាប់ធ្នាប់របស់ ប្រជាពលរដ្ឋនៅក្នុងមូលដ្ឋាន ជាពិសេសនាយ នាយរង ដែលមានវត្តមានក្នុងពេលនេះ។
លោកឧត្តមសេនីយ៍ត្រី ញ៉ែម វ៉ាន់នី បានបន្តទៀតថា រាល់ស្នាដៃដែលស្នងការនគរបាលខេត្តមណ្ឌលគិរី សម្រេចបានការទប់ ស្កាត់រាល់បទល្មើស ខុសច្បាប់ ការជួញដូរគ្រឿងញៀន ការជូញដូរស្រ្តី និងកុមារ បានទាន់ពេលវេលា ទាំងអស់ នេះគឺជាការខិតខំប្រឹងប្រែងរបស់យើងទាំងអស់គ្នា ដោយផ្អែកទៅលើគោលនយោបាយទាំង៩ចំណុច ស្តីពីភូមិ ឃុំ មានសុវត្ថិភាព៕ ឦសាន
