អន្តរជាតិ ៖ នារសៀលថ្ងៃទី១២ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ នៅថ្ងៃទី ១១ ខែធ្នូ លោក Xi Jinping ប្រធានរដ្ឋចិនបានផ្ញើសារអបអរសាទរចំពោះលោក John Dramani Mahama ដែលបានជាប់ឆ្នោតជាប្រធានាធិបតីហ្កាណា។

គេហទំព័រ «CCFR China state-controlled media » លោក Xi Jinping បានលើកឡើងថា ហ្កាណា គឺជាប្រទេសមួយក្នុងចំណោមប្រទេសអនុតំបន់សាហារ៉ាអាហ្រ្វិក ដែលបានបង្កើតទំនាក់ទំនងការទូត ជាមួយប្រទេសចិនដំបូងគេ ហើយក៏ជាដៃគូយុទ្ធសាស្ត្រដ៏សំខាន់របស់ប្រទេសចិននៅទ្វីបអាហ្រ្វិកផងដែរ ។
គេហទំព័រ «CCFR China state-controlled media » ចំណងមិត្តភាពចិន-ហ្កាណាមានប្រវត្តិសាស្រ្តយូរអង្វែង ហើយឆ្លងកាត់ពេលវេលារឹតតែយូររឹតតែរឹងមាំ ។ ក្នុងរយៈពេលប៉ុន្មានឆ្នាំចុងក្រោយនេះ ទំនាក់ទំនងរវាងប្រទេសទាំងពីរមាននិន្នាការអភិវឌ្ឍន៍ យ៉ាងល្អប្រសើរ ហើយកិច្ចសហប្រតិបត្តិការជាក់ស្តែងលើគ្រប់វិស័យ ទទួលបានសមិទ្ធផលជាច្រើន។ ខ្ញុំយកចិត្តទុកដាក់ខ្ពស់ចំពោះការអភិវឌ្ឍ ទំនាក់ទំនងចិន-ហ្កាណា និងមានឆន្ទៈធ្វើការជាមួយលោក Mahama ដើម្បីផ្សព្វផ្សាយទំនាក់ទំនងមិត្តភាពជាប្រពៃណី ពង្រឹងទំនុកចិត្តគ្នា ផ្នែកនយោបាយទៅវិញទៅមក ជំរុញទំនាក់ទំនងភាពជាដៃគូយុទ្ធសាស្ត្រចិន-ហ្កាណាឱ្យកាន់តែស៊ីជម្រៅនិងប្រាកដប្រជា ដើម្បីផ្តល់ផលប្រយោជន៍កាន់តែច្រើនដល់ប្រជាជននៃប្រទេសទាំងពីរ៕

ដោយ ៖ សិលា