ភ្នំពេញ៖ មានការភ្ញាក់ផ្អើលយ៉ាងខ្លាំងនៅលេីបណ្ដាញសង្គមហ្វេសប៊ុក បន្ទាប់ពីអ្នកលេងបណ្ដាញសង្គមបានបង្ហោះស៊ែរតៗគ្នា ខណៈម្ចាស់រថយន្តស៊េរីទំនើបមួយគ្រឿង បានដាក់លុយដុល្លារជាច្រើនដុំ(ប្រហែលជា ៦ម៉ឺនដុល្លារអាមេរិក) នៅលេីពូករថយន្តរបស់ខ្លួន ដោយមើលទៅហាក់ដូចជាមើលងាយលោកចោរខ្លាំងណាស់។
ជាក់ស្ដែងយោងតាមបណ្ដាញសង្គមហ្វេសប៊ុក បានឱ្យដឹងថា មានបុរសម្នាក់ មិនទាន់ស្គាល់អត្តសញ្ញាណ នៅរសៀលថ្ងៃទី២៤ ខែធ្នូ ឆ្នាំ២០២៤នេះ បានបេីករថយន្តមួយគ្រឿង ម៉ាក MAZDA CX9 ស្លាកលេខកម្ពុជា HUAQI.CO មកចតចោលលេីដងផ្លូវសាធារណៈ ស្ថិតនៅចំណុចផ្លូវព្រះរោត្តម ខាងត្បូងអគារព្រីនស៍ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ហេីយមិនដឹងថាម្ចាស់រថយន្តចុះទៅណាបាត់។
ប្រភពដដែលបន្តថា ជាក់ស្ដែងអ្វីដែលសំខាន់ក្នុងរថយន្តសុទ្ធតែលុយដុល្លារចំនួន ៥ដុំ និងក្រដាក់ដក់លុយពីធនាគារមួយសន្លឹក ប៉ុន្តែនៅកន្លែងដែលគាត់ចតរថយន្តនោះ គឺមានកម្លាំងសមត្ថកិច្ចប្រចាំការល្បាតឃេីញ ក៏មានជួយឈរមើលរហូតម្ចាស់រថយន្តមកដល់រថយន្តខ្លួនវិញ នេះសំណាងហេីយមិនមែនជាលោកចោរ ចុះបេីលោកចោរឃេីញវិញ វាច្បាស់ជាធ្វេីសកម្មភាពវាយបំបែកកញ្ចក់យកលុយទាំងនោះ នឹងកេីតជាបទល្មេីសចោរលួចជាមិនខាន។
ជាមួយគ្នានេះ មហាជនក៏បានអំពាវនាវដល់បងប្អូនប្រជាពលរដ្ឋទាំងអស់គ្នា មិនគួរយកគំរូតាមគាត់នោះទេ ព្រោះវាពិតជាគ្រោះថ្នាក់ខ្លាំងណាស់ចំពោះហានិភ័យណាមួយ ប្រសិនបើវាកេីតឡេីង៕ដោយ៖តារា
