ភ្នំពេញ ៖ បុរសម្នាក់ត្រូវបានសមត្ថកិច្ចប៉ុស្តិ៍ភ្នំពេញថ្មីឃាត់ខ្លួនយកមកធ្វើការសាកសួរដោយយោងតាមបណ្តឹងរបស់ជនរងគ្រោះដោយចោទពីបទរំលោភសេពសន្ថវៈបានសម្រេចចំនួនមួយលើក។
ការឃាត់ខ្លួននេះបានធ្វើឡើងកាលពីវេលាម៉ោង១០ព្រឹកថ្ងៃទី១៦ ខែសីហា ឆ្នាំ២០១៦ នៅផ្ទះលេខ១៦៥ ផ្លូវលំក្រុម៧ ភូមិដីថ្មី សង្កាត់ភ្នំពេញថ្មី ខណ្ឌសែនសុខ។
ជនសង្ស័យឈ្មោះ ពេជ និវត្តន៍ ភេទប្រុស អាយុ៣១ឆ្នាំ មុខរបរនៅផ្ទះ ស្នាក់នៅផ្ទះលេខ១៦៥ ផ្លូវលំក្រុម៧ ភូមិដីថ្មីសង្កាត់ភ្នំពេញថ្មី ខណ្ឌសែនសុខ និងមានស្រុកកំណើតភូមិ៦ សង្កាត់ទន្លេបាសាក់ ខណ្ឌចំការមន។
ចំណែកដើមបណ្តឹងឈ្មោះ ព.ច ភេទស្រី អាយុ១៥ឆ្នាំ ស្នាក់ នៅផ្ទះលេខ១៦៥ ផ្លូវលំក្រុម៧ ភូមិដីថ្មីសង្កាត់ភ្នំពេញថ្មីខណ្ឌសែនសុខ ត្រូវជាប្អូនស្រីចិញ្ចឹមរបស់ជនសង្ស័យ។
លោក ដួង វណ្ណះ នាយប៉ុស្តិ៍ស្តីទីនគរបាលភ្នំពេញថ្មីបានឲ្យដឹងថា ក្រោយពីទទួលបានបណ្តឹងរបស់ជនរងគ្រោះមកប្តឹងផ្ទាល់មាត់លោកក៏ដឹកនាំកម្លាំងចុះទៅឃាត់ខ្លួនបុរសខាងលើដល់លំនៅដ្ឋានតែម្តងនិងបាននាំខ្លួនយកមកធ្វើការសាកសួរនៅប៉ុស្តិ៍នគរបាលរដ្ឋបាលភ្នំពេញថ្មី។
ជនសង្ស័យខាងលើបានប្រាប់សមត្ថកិច្ចក្មេងស្រីរងគ្រោះដែកជាប្អូនចិញ្ចឹមរបស់ខ្លួនគឺត្រូវបានឪពុកម្តាយរបស់ខ្លួនយកមកចិញ្ចឹមតាំងតែពីតូចកូនង៉ាមកម៉្លេះដោយមកដល់បច្ចុប្បន្នមានអាយុ១៥ឆ្នាំហើយ។
តាមការរៀបរាប់របស់នារីរងគ្រោះបានប្រាស់សមត្ថកិច្ចកាលពីថ្ងៃទី១៥ វេលាម៉ោង២និង១០នាទីរសៀលនៅចំណុចផ្ទះកើតហេតុជនសង្ស័យ (ត្រូវជាបងចិញ្ចឹម) បានហៅនាងឲ្យចូលមកក្នុងបន្ទប់របស់គេពេលទៅដល់ក្នុងបន្ទប់ស្រាប់តែជនសង្ស័យបានយកកាំបិតប័ុងតោមកគរាមសម្លាប់បើមិនឲ្យរូបគេរំលោភទើបនាងភ័យខ្លាចក៍ពុំហ៊ានស្រែកហើយជនសង្ស័យធ្វើសកម្មភាពបានសម្រេចតែម្តង។ លុះព្រឹកថ្ងៃទី១៦ ខែសីហា ឆ្នាំ២០១ ៦រូបនាងហើយនិងបងប្អូនក៏ប្តឹងសមត្ថកិច្ចឲ្យឃាត់ខ្លួនតែម្តង។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា រូបគេពិតជាបានចាប់រំលោភសេពសន្ថវៈទៅលើប្អូន
ស្រីចិញ្ចឹមរបស់ខ្លួនពិតប្រាកដមែនដោយកាលពីរសៀលថ្ងៃទី១៥ ខែសីហា ឆ្នាំ២០១៦ មុនពេលកើតហេតុដោយនៅផ្ទះជាមួយគ្នាមានសភាពស្ងាត់ ជនសង្ស័យបានហៅប្អូនចិញ្ចឹមដែលជាជនរងគ្រោះចូលបន្ទប់ស្នាក់នៅរបស់ខ្លួនហើយបានយកកាំបិតប៉័ងតោមមកគំរាមនិងបានធ្វើសកម្មភាពរំលោភប្អូនស្រីចិញ្ចឹមបានសម្រេចមួយលើកពិតមែនលុះរហូតដល់ព្រឹកថ្ងៃទី១៦ ខែសីហា ឆ្នាំ២០១៦ សមត្ថិច្ចបានទៅឃាត់ខ្លួនដល់ផ្ទះតែម្តង។
ដោយមានចម្លើយសារភាពរបស់ជនសង្ស័យគ្រប់គ្រាន់សមត្ថកិច្ចក៏បានឃាត់ខ្លួនហើយបច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែខសុខដើម្បីចាត់ការតាមផ្លូលច្បាប់៕
ដោយ៖ តុង សីហា
