អន្តរជាតិ ៖ នារសៀលថ្ងៃទី១៨ ខែមករា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ កាលពីថ្ងៃទី១៦ ខែមករា លោក Xi Jinping ប្រធានរដ្ឋចិនបាន ផ្ញើ សារ លិខិតជូនចំពោះលោក Zoran Milanovic ដើម្បីអបអរសាទរលោកជាប់ឆ្នោតជា ប្រធានាធិបតីសាធារណរដ្ឋក្រូអាតជាថ្មីម្តងទៀត។

គេហទំព័រ «CCFR China state-controlled media » លោក Xi Jinping បានលើកឡើងថា ប្រទេសចិននិងប្រទេស ក្រូអាត មានចំណង មិត្តភាពប្រពៃណី ដ៏យូរលង់ ហើយប្រទេសទាំងពីរគឺជាមិត្តល្អ និង ជា ដៃគូ ល្អ ដែលគោរព និងមានទំនុកចិត្តលើ គ្នាទៅវិញទៅមក។ ក្នុងប៉ុន្មានឆ្នាំកន្លង ទៅនេះ ភាគីទាំងពីរបានរួមគ្នាកសាង “ខ្សែក្រវាត់ និងផ្លូវ” ប្រកបដោយ គុណភាពខ្ពស់ និងជំរុញកិច្ចសហប្រតិបត្តិការលើគ្រប់វិស័យ ដោយប្រកាន់ខ្ជាប់ស្មារតីបើកចំហ ផ្តល់ផលប្រយោជន៍ដល់គ្នាទៅវិញទៅមក និងឈ្នះ-ឈ្នះ។ ខ្ញុំយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងរវាងចិននិងក្រូអាត ហើយមានឆន្ទៈធ្វើការ ជាមួយលោកប្រធានាធិបតីដើម្បីជំរុញឱ្យ ប្រទេសទាំងពីរដើរ ឆ្ពោះទៅមុខ លើមាគ៌ានៃការសម្រេចទំនើបកម្មរៀងៗខ្លួន និងបើកទំព័រថ្មីនៃទំនាក់ទំនងភាពជាដៃគូសហប្រតិបត្តិការដោយគ្រប់ជ្រុងជ្រោយរវាងចិននិងក្រូអាត៕

ដោយ ៖ សិលា