ភ្នំពេញ: នារីម្នាក់ជិះម៉ូតូមកទិញទឹកដោះគោឲ្យកូនត្រូវជនសង្ស័យមិនស្គាល់មុខធ្វើសកម្មភាពឆក់ទូរស័ព្ទបានសម្រេចជិះម៉ូតូគេចខ្លួនមកឈប់ទុកចោលនៅមុខផ្ទះពលរដ្ឋត្រូវបានជនរងគ្រោះឆែកតាមប្រព័ន្ធICLOUD តាមមកទាន់ រត់ចោលម៉ូតូ។
ហេតុការណ៍នេះ បង្កឲ្យមានការភ្ញាក់ផ្អើលនៅម៉ោង៩និង៣៥នាទីយប់ថ្ងៃទី១៩ខែមករាឆ្នាំ២០២៤នៅចំណុចផ្លូវ២០០៤ ភូមិត្រពាំងល្វា សង្កាត់កាកាបទី១ ខណ្ឌពោធិសែនជ័យ រាជធានីភ្នំពេញ។
ប្រភពព័ត៌មានបញ្ជាក់ពីជនរងគ្រោះបានឲ្យដឹងថា នៅមុនពេលដែលកេីតហេតុខណៈជនរងគ្រោះជិះម៉ូតូមករកទិញទឹកដោះគោអោយកូនស្រាប់តែលេចមុខជនសង្ស័យម្នាក់ជិះម៉ូតូមួយគ្រឿងម៉ាកស្កុបពីពណ៌ស ពាក់ស្លាកលេខភ្នំពេញ1KK-1751 មកធ្វើសកម្មភាពឆក់យកទូរសព្ទពីនារីជនរងគ្រោះម៉ាក IPhon 12 ដែលជាប់ប្រព័ន្ធ ICLOUD បានសម្រេចរួចហើយជនសង្ស័យរូបនោះក៏ជិះម៉ូតូរត់គេចខ្លួនពីសង្កាត់ចោមចៅ៣ ទៅឈប់ម៉ូតូទុកចោលនៅមុខផ្ទះប្រជាពលរដ្ឋមួយកន្លែងដែលស្ថិតនៅចំណុចផ្លូវ២០០៤ ភូមិត្រពាំងល្វា ក្នុងសង្កាត់កាកាបទី ១ខណ្ឌពោធិ៍សែនជ័យ បន្ទាប់មកជនរងគ្រោះបានឆែកតាមប្រព័ន្ធICLOUD តតាមមកឃើញ បានទាក់ទងទៅកម្លាំងអាវុធហត្ថឲ្យជួយអន្តរាគមន៍ ស្រាវជ្រាវរក ខណៈនោះកងកម្លាំងបានចុះមកព័ទ្ធជុំវិញទីតាំងខាងលើ តែជនសង្ស័យហាក់ដូចជាដឹងខ្លួនជាមុនក៏ផ្លោះរត់គេចខ្លួនពីដំបូលផ្ទះមួយនៅផ្ទះមួយគេចខ្លួនបាត់ស្រមោលទៅ។
បន្ទាប់ពីកេីតហេតុកម្លាំងអាវុធហត្ថបានយកម៉ូតូជនសង្ស័យទៅរក្សាទុកនៅផ្នែកជំនាញអាវុធហត្ថខណ្ឌពោធិសែនជ័យនិងទទួលពាក្យបណ្តឹងពីជនរងគ្រោះដេីម្បីកំណត់ស្រាវជ្រាវរកមុខសញ្ញាជនសង្ស័យមកផ្ដន្ទាទោសតាមនីតិវិធី៕
ដោយ៖ ជ្រោយពេជ្រ
