ខេត្តសៀមរាប៖ ក្រុមប្រើប្រាស់គ្រឿងញៀនប្រុសស្រីចំនួន៥នាក់ត្រូវបាននគរបាលខេត្តសៀមរាបឃាត់ខ្លួននិងបញ្ជូនទៅតុលាការដើម្បីអនុវត្តតាមផ្លូវច្បាប់ការឃាត់ខ្លួនធ្វើឡើងនៅថ្ងៃទី១៥ ខែសីហា ឆ្នាំ២០១៦ ស្ថិតនៅបន្ទប់ជួលលេខB26 ក្រុមទី០៣ ក្នុងភូមិសាលាកន្សែង សង្កាត់ស្វាយដង្គុំ ក្រុង-ខេត្តសៀមរាប។
ជនសង្ស័យទាំង៥នាក់ខាងលើនេះទី១-ឈ្មោះ កន រដ្ឋា ហៅរ៉ា ឫសីហា ភេទប្រុស អាយុ២១ឆ្នាំ មុខរបររត់ម៉ូតូឌុប ស្នាក់នៅ ភូមិត្រពាំងសេះ សង្កាត់គោកចក ក្រុងសៀមរាប (ចាត់ចែងឲ្យប្រើប្រាស់)។ ទី២-ឈ្មោះ អូ ចាន់ណែត ហៅអាតែម ភេទប្រុស អាយុ២០ឆ្នាំ មុខរបរលក់ឱសថបុរាណ ស្នាក់នៅភូមិវាល សង្កាត់គោកចក ក្រុងសៀមរាប (ផ្ដល់ទីតាំងឲ្យប្រើប្រាស់)។ ទី៣-ឈ្មោះ វិត ចាន់ណាក់ ភេទស្រី អាយុ២៥ឆ្នាំ មុខរបរគ្មាន ស្នាក់នៅភូមិគ្រួស សង្កាត់ស្វាយដង្គុំ ក្រុងសៀមរាប (ជួញដូរ)។ ទី៤-ឈ្មោះ ភុំ ណារី ភេទស្រី អាយុ១៨ឆ្នាំ មុខរបរគ្មាន ស្នាក់នៅភូមិសាលាកន្សែង សង្កាត់ស្វាយដង្គុំ ក្រុងសៀមរាប (ចាត់ចែងឲ្យប្រើប្រាស់) និងទី៥-ឈ្មោះ សៀម សុខុន ភេទប្រុស អាយុ២២ឆ្នាំ មុខរបរចុងភៅ រស់នៅភូមិចំបក់ ឃុំរលួស ស្រុកប្រាសាទបាគង ខេត្តសៀមរាប (ចាត់ចែងឲ្យប្រើប្រាស់)។
វត្ថុតាងចាប់យកមាន ម៉្សៅមេតំហ្វេតាមីន (ម៉្សៅពណ៌ថ្លា) ចំនួន៤២កញ្ចប់តូច, ម៉ូតូម៉ាកហុងដា សេ១២៥ មួយគ្រឿង សម្រាប់ជិះ ធ្វើសកម្មភាព, -ទូរដៃចំនួន០២គ្រឿង និងឧបករណ៍ វេចខ្ចប់គ្រឿងញៀន មួយចំនួនទៀត៕
ដោយ៖ ប៊ុនរិទ្ធី
