ក្រុមម្ចាស់ផ្ទះ Real Madrid បានផ្តល់មហិច្ឆតារបស់ពួកគេក្នុងការការពារតំណែងជើងឯក Champions League នូវជ័យជម្នះដ៏ធំមួយដោយបានបំបាក់ក្រុម Red Bull Salzburg មកពីអូទ្រីសក្នុងលទ្ធផល ៥ទល់១ កាលពីរំលងអធ្រាត្រឈានចូលថ្ងៃទី២៣ មករានេះ។

បន្ទាប់ពីចាញ់៣ប្រកួតក្នុងការប្រកួតបើកឆាកទាំង៦របស់ពួកគេ Rea Madrid បានបន្តក្តីសង្ឃឹមឡើងវិញជាមួយនឹងការឈ្នះ៤ប្រកួត ដោយការប្រកួតនេះ Rodrygo បានស៊ុតបញ្ចូលទី២គ្រាប់ក្នុងតង់ទី១ ពីមុនពេលរកបាន១គ្រាប់ពី Kylian Mbappe និង២គ្រាប់ទៀតពី Vinicius Jr ក្នុងតង់ទី២។

ការឈ្នះនេះ និងលទ្ធផលនៅកន្លែងផ្សេងទៀតធានាដល់ក្រុម Real Madrid យ៉ាងហោចណាស់បានកៅអីវគ្គ Play-off ហើយពួកគេត្រូវការឈ្នះបន្តទៀតដើម្បីប្រជែងដណ្តើមកៅអីវគ្គ១៦ក្រុមដោយស្វ័យប្រវត្តិ ជាមួយនឹងការទៅលេងនៅទឹកដីក្រុម Brest នៅការប្រកួតជម្រុះចុងក្រោយនៅសប្តាហ៍ក្រោយ។

Salzburg ដែលបានរកគ្រាប់បាល់១គ្រាប់នៅចុងម៉ោងដោយកីឡាករ Mads Bidstrup នៅនាទីទី៨៥ ដោយបរាជ័យនេះបានចាញ់៦ប្រកួតក្នុងចំណោមការប្រកួតលីកចំនួន៧របស់ពួកគេ ហើយបានធ្លាក់ចេញពីក្របខ័ណ្ឌ Champions League ដោយស្វ័យប្រវត្តិទោះបីនៅសល់១ប្រកួតទៀតក៏ដោយ។

ជាមួយនឹងការឈ្នះ៣លើក និងចាញ់៣លើកក្នុងក្របខ័ណ្ឌ Champions League ក្រុមម្ចាស់ជើងឯក Real Madrid បានប្រឈមមុខនឹងលទ្ធភាពដ៏គួរឱ្យភ័យខ្លាចនៃការធ្លាក់ចេញពីលីក ប្រសិនបើពួកគេមិនបានឈ្នះនៅពេលនេះ៕ (រូបភាព ៖ BBC)