បទបញ្ជាប្រតិបត្តិរឹតបន្តឹងសិទ្ធិពលរដ្ឋពីកំណើតដែលចុះហត្ថលេខាដោយប្រធានាធិបតីអាមេរិក Donald Trump ដែលបានចូលជាធរមានកាលពីថ្ងៃទី 19 ខែកុម្ភៈ ឥឡូវនេះបានបង្កឱ្យមានការប្តឹងផ្តល់ចំនួនប្រាំ។

ចៅក្រមសហព័ន្ធនៅទីក្រុង Seattle កាលពីថ្ងៃទី 23 ខែមករា បានរារាំងរដ្ឋបាលរបស់ប្រធានាធិបតី Donald Trump ពីការអនុវត្តបទបញ្ជាប្រតិបត្តិដែលរឹតត្បិតសិទ្ធិជាពលរដ្ឋពីកំណើតនៅក្នុងសហរដ្ឋអាមេរិក ដោយហៅវាថា “មិនស្របតាមរដ្ឋធម្មនុញ្ញ” ។
តាមសំណើរបស់រដ្ឋចំនួនបួនដែលដឹកនាំដោយប្រជាធិបតេយ្យ ចៅក្រម John Coughenour បានចេញដីកាហាមឃាត់ជាបណ្តោះអាសន្ន ដោយរារាំងរដ្ឋបាលមិនឱ្យអនុវត្តដីកាប្រតិបត្តិដែលចុះហត្ថលេខាដោយប្រធានាធិបតីសាធារណរដ្ឋនៅថ្ងៃទី 20 ខែមករា នៅថ្ងៃដំបូងរបស់គាត់ចូលកាន់តំណែង។ ដីកានេះបានជំរុញឱ្យមានបណ្តឹងចំនួន ៥ ដោយក្រុមសិទ្ធិស៊ីវិល និងអគ្គមេធាវីរបស់គណបក្សប្រជាធិបតេយ្យមកពីរដ្ឋចំនួន ២២ ដោយហៅវាថាជាការរំលោភយ៉ាងច្បាស់លើរដ្ឋធម្មនុញ្ញរបស់សហរដ្ឋអាមេរិក។
លោក Lane Polozola ជំនួយការអគ្គមេធាវីក្រុង Washington បានប្រាប់ចៅក្រម John Coughenour នៅពេលចាប់ផ្តើមសវនាការក្នុងទីក្រុង Seattle ថា “នៅក្រោមបញ្ជានេះ ទារកទើបនឹងកើតនៅថ្ងៃនេះ មិនត្រូវបានចាត់ទុកថាជាពលរដ្ឋសហរដ្ឋអាមេរិកទេ” ។
លោក Polozola – តំណាងឱ្យអគ្គមេធាវីរដ្ឋប្រជាធិបតេយ្យមកពីរដ្ឋ Washington រដ្ឋ Arizona រដ្ឋ Illinois និង Oregon បានជំរុញចៅក្រមឱ្យចេញដីកាហាមឃាត់បណ្តោះអាសន្នដើម្បីការពាររដ្ឋបាលពីការអនុវត្ត ច្បាប់ខាងលើរបស់លោក Trump ។
លោក Polozola បាននិយាយនៅក្នុងសន្និសីទសារព័ត៌មានមួយនៅខាងក្រៅតុលាការបន្ទាប់ពីដីកាសម្រេចថា “នេះគឺជាជំហានដំបូង ប៉ុន្តែការស្តាប់ចៅក្រមនិយាយថាក្នុងរយៈពេល 40 ឆ្នាំរបស់គាត់ក្នុងនាមជាចៅក្រម គាត់មិនដែលឃើញអ្វីដែលបំពានច្បាប់នោះទេ” បង្ហាញពីភាពធ្ងន់ធ្ងរនៃកិច្ចខិតខំប្រឹងប្រែងនេះ»។
លោក Polozola និងអ្នកពាក់ព័ន្ធផ្សេងទៀតដែលជំទាស់នឹងបទបញ្ជាប្រតិបត្តិរបស់ប្រធានាធិបតីបានអះអាងថា សកម្មភាពរបស់លោក Trump រំលោភលើសិទ្ធិដែលមានចែងក្នុងប្រការសិទ្ធិពលរដ្ឋនៃវិសោធនកម្មរដ្ឋធម្មនុញ្ញលើកទី 14 ដែលចែងថាអ្នកណាម្នាក់កើតនៅក្នុងសហរដ្ឋអាមេរិកគឺជាពលរដ្ឋ៕ ដោយធីរីណា

រូបថត​: Reuters