ការស៊ុតបាល់បញ្ចូលទីពីចម្ងាយរបស់ខ្សែការពារ Lisandro Martinez បានធានាថា ក្រុមបិសាចក្រហម Manchester United បានទទួលជ័យជម្នះយ៉ាងលំបាកលើក្រុមម្ចាស់ផ្ទះ Fulham ដោយទទួលបាន៣ពិន្ទុបន្ថែម។ ការប្រកួតបានអូសបន្លាយរហូតដល់ជាង៧៨នាទីទើបមានគ្រាប់បាល់១គ្រាប់នេះកើតឡើង ខណៈដែលក្រុមទាំងពីរបានព្យាយាមបង្កើតឱកាសជាច្រើនកាលពីរំលងអធ្រាត្រឈានចូលថ្ងៃទី២៧ មករានេះ។

ក្រុមម្ចាស់ផ្ទះ Fulham បានព្យាយាមស្វែងរកជ័យជម្នះក្នុងការប្រកួតនេះ ប៉ុន្តែក្រុមភ្ញៀវបានដណ្តើមយកជ័យជម្នះនៅពេលដែលខ្សែការពារសញ្ជាតិអាហ្សង់ទីន Martinez បានស៊ុតបាល់លើដើរសំដៅទៅសំណាញ់ទី ដែលអ្នកចាំទី Bernd Leno ខំហក់សង្គ្រោះបាល់ក៏មិនអាចជួយបាន។

នោះគឺជាការស៊ុតចំគោលដៅដំបូងរបស់ខ្សែការពាររូបនេះ ហើយជាទម្រង់លេងប្រហាក់ប្រហែលគ្នានៅលើក្រុម Fulham ដែលជាក្រុមល្អជាងក្នុងតង់ទីមួយ ប៉ុន្តែពិតជាគួរតែចាប់យកឱកាសរបស់ពួកគេ។ ខ្សែប្រយុទ្ធ Raul Jimenez របស់ Fulham ក៏មានឱកាសដ៏ល្អមួយដែរក្នុងការស៊ុតចំគោលដៅ ខណៈដែល Antonee Robinson ក៏បានខកខានឱកាសមួយផងដែរពីការស៊ុតចំគោលដៅដែរ។

Manchester United បានវាយបកយឺតដើម្បីឈ្នះការប្រកួតមួយនៅ Old Trafford ត្រឡប់មកវិញក្នុងខែសីហា ហើយម្តងទៀតពួកគេបានយកឈ្នះលើក្រុម Fulham ដោយឈ្នះតែ១គ្រាប់គត់ពី Martinez។

ជាមួយគ្នានេះ Man Utd ក៏មានឱកាស១គ្រាប់ផងដែរនៅចុងម៉ោងពីកីឡាករបម្រុង Toby Collyer ដើម្បីធានាបាននូវជ័យជម្នះនៅប៉ុន្មាននាទីចុងក្រោយ ប៉ុន្តែត្រូវបានខ្សែការពាររបស់ Fulham រារាំងបាន។

ចំណែកខ្សែប្រយុទ្ធស្លាប Amad Diallo គិតថា គាត់បានស៊ុតបញ្ចូលទីគ្រាប់ទី៤ក្នុងការប្រកួត Premier League ចុងក្រោយរបស់គាត់ក្នុងរយៈពេល៣ប្រកួតចុងក្រោយ ប៉ុន្តែការបញ្ចប់ទីរបស់កីឡាកររូបនេះត្រូវបានច្រានចោលដោយអាជ្ញាកណ្តាលវីដេអូសម្រាប់គ្រាប់បាល់ offside។

ការឈ្នះនេះមានន័យថា ក្រុមរបស់លោក Ruben Amorim ឥឡូវនេះបានឈ្នះការប្រកួតត្រឡប់មកវិញបន្ទាប់ពីបានផ្តួលក្រុម Rangers ក្នុងក្របខ័ណ្ឌ Europa League កាលពីពាក់កណ្តាលសប្តាហ៍ ហើយបានផ្លាស់ប្តូរពួកគេឡើងទៅកាន់លេខ១២។ ចំណែកក្រុម Fulham នៅតែស្ថិតនៅលេខ១០ក្នុងតារាង Premier League។

ដោយឡែកក្រុមមាន់ខ្នាយមាស Tottanham ដែលកំពុងតែដុនដាបដូច Man Utd ដែរនោះបានបរាជ័យក្រោមថ្វីជើងក្រុមភ្ញៀវ Leicester ក្នុងលទ្ធផល ២ទល់១ បើទោះបីក្រុមម្ចាស់ផ្ទះ Spurs បានរកគ្រាប់បាល់នាំមុខតាំងពីតង់ទី១ក៏ដោយ ប៉ុន្តែក្រុមភ្ញៀវវាយបកវិញយកឈ្នះតែម្តង។ បរាជ័យនេះធ្វើឲ្យក្រុម Spurs បានធ្លាក់មកឈរលេខ១៥មាន២៤ពិន្ទុ ខណៈដែល Leicester City ឈរលេខ១៧ ជិតតំបន់កាត់ចោលមាន១៧ពិន្ទុលើក្រុមកាត់ចោល១ពិន្ទុប៉ុណ្ណោះ ៕ (រូបភាព ៖ BBC)