ភ្នំពេញ៖ កម្លាំងគណៈបញ្ជាការឯកភាពខណ្ឌពោធិ៍សែនជ័យបានចុះបង្រាបទីតាំងបង្កប់ល្បែងស៊ីសងណេតខុសច្បាប់មួយកន្លែងនិងលួចប្រេីប្រាស់ថ្នាំញៀនត្រូវបានឃាត់ខ្លួនមនុស្សស្រីចំនួន២នាក់និងដកហូតសម្ភារៈមួយចំនួន។
ប្រតិបត្តិការឆ្មក់បង្ក្រាបទីតាំងល្បែងស៉ីសងខាងលេីនេះបានធ្វេីឡេីងនៅយប់ថ្ងៃទី២៦ ខែមករា ឆ្នាំ២០២៥ នៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនឈានដល់ការឆ្មក់ឆុះបង្ក្រាបនេះគឺ ដោយសារមានបងប្អូនប្រជាពលរដ្ឋរាយការណ៍សម្ងាត់ថា ទីតាំងខាងលេីមានលួចបង្កប់ល្បែងស៉ីសងតាមអនឡាញខុសច្បាប់ និងលួចប្រេីប្រាស់ថ្នាំញៀនទៀតផង ទេីបនៅយប់ថ្ងៃទី២៦ ខែមករា ឆ្នាំ២០២៥ កម្លាំងគណៈបញ្ជាការឯកភាពខណ្ឌពោធិ៍សែនជ័យ ដឹកនាំដោយលោក ផុន សុផាន អភិបាលរង បានឆ្មក់ចុះបង្ក្រាបជាក់ស្តែង ហើយឃាត់ខ្លួនមនុស្សស្រីចំនួន២នាក់ នឹងដកហូតសម្ភារៈបានមួយចំនួនរួមទាំងមានឧបករណ៍ប្រេីប្រាស់គ្រឿងញៀនទៀតផង។
ក្រោយឆែកឆេររួចរាល់ កម្លាំងគណៈបញ្ជាការខណ្ឌបានដកហូតសម្ភារយកទៅរក្សាទុកនៅសាលាខណ្ឌពោធិ៍សែនជ័យ ចំណែកមនុស្សស្រីចំនួន២នាក់នោះបានប្រគល់ជូនប៉ុស្តិ៍នគរបាលសង្កាត់ចោមចៅទី៣ ដេីម្បីចាត់ការតាមនីតិវិធី ។ដោយឡែកទីតាំងខាងលេីត្រូវបានចាក់សោជាបណ្តោះអាសន្នសិន៕
ដោយ៖សុខាសែនជ័យ
