ភ្នំពេញ៖ បុរសម្នាក់ដែលបានដេីរយកលុយដាក់ខែពីអាជីវករលក់ដូរតាមតូបនៅចំណុចមុខរោងចក្រអាមេរិកកាំង តាមផ្លូវ៣០ម៉ែត្រ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ត្រូវបានកម្លាំងអាជ្ញាធរឃាត់ខ្លួន នឹងចាត់ការតាមនីតិវិធី នៅព្រឹកថ្ងៃទី៣ ខែកុម្ភះ ឆ្នាំ២០២៥ ។
លោកប៉ាង លីដា អភិបាលរងខណ្ឌពោធិ៍សែនជ័យបានឲ្យដឹងថា ក្រោយពីទទួលព័ត៌មានពីស្ត្រីម្នាក់ជាអាជីវករលក់ដូរនៅមុខរោងចក្រអាមេរិកកាំង ថាមានបុរសម្នាក់បានដេីរយកលុយដាក់ខែក្នុងមួយតូប៥០ម៉ឺនរៀល ដេីម្បីជាថ្នូរដោះដូរឲ្យបានលក់ដូរនៅទីនោះ ។ នៅព្រឹកថ្ងៃទី៣ ខែកុម្ភះ លោក បានដឹកនាំកម្លាំងចុះទៅទីតាំងខាងលេីនឹងបានទំនាក់ទំនងទៅបុរសខាងលេីសួរនាំជំវិញបញ្ហានេះ។
នៅចំពោះមុខអាជ្ញាធរបុរសខាងលេីបានសារភាពថា រូបគាត់ពិតជាបានដេីរយកលុយពីបងប្អូនអាជីវករពិតប្រាកដមែន។
បច្ចុប្បន្នបុរសខាងលេីត្រូវបានបញ្ជូនខ្លួនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាក់ការតាមនីតិវិធី៕
ដោយ៖សុខាសែនជ័យ
