ភ្នំពេញ៖ បុរសម្នាក់ជិះម៉ូតូ ហុងដាឌ្រីមខ្វះការប្រុងប្រយ័ត្នក៏ជ្រុលទៅបុកនិងរថយន្តស៊េរីទំនើបALPHARDដែលចតស្ងៀមលេីផ្លូវពីក្រោយបណ្ដាលឲ្យរងការខូចខាត ។
ហេតុការណ៍នេះបានកេីតឡេីងនៅវេលាម៉ោង ១២និង០៥នាទីរំលងអធ្រាត្រឈានចូលថ្ងៃទី១៥ខែកុម្ភៈឆ្នាំ២០២៥ ជិតរង្វង់មូលសម្តេចសង្ឃជួនណាត ផ្លូវព្រះសីហនុ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីកន្លែងកើតកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់ បានជិះម៉ូតូម៉ាក HONDA dream ពណ៌ខ្មៅ ពាក់ផ្លាកលេខភ្នំពេញ 1JY-5134 ជិះធ្វើដំណើរតាមបណ្ដោយផ្លូវព្រះសីហនុ ក្នុងទិសដៅពីលិចទៅកេីត ក្នុងល្បឿនលឿន លុះមកដល់ចំនុចកេីតហេតុ ដោយសារតែអ្នកបេីកម៉ូតូ ខ្វះការប្រុងប្រយ័ត្ន ក៏ជ្រុលបុករថយន្តសេរីទំនើបម៉ាក ALPHARD ពណ៌ខ្មៅ ពាក់ផ្លាកលេខភ្នំពេញ 2BY-9109 ដែលម្ចាស់លើផ្លូវពីក្រោយ បណ្ដាលឲ្យរថយន្តខូចខាតផ្នែកខាងក្រោយ។
ដោយឡែកឯខាងម៉ូតូខូចខាតផ្នែកខាងមុខ មនុស្សរបួសតិចតួចតែប៉ុណ្ណោះ ។
ក្នុងករណីនេះភាគីខាងរថយន្តទាមទារសំណង៧០ដុល្លារតែខាងម៉ូតូមានលទ្ធភាពត្រឹមតែ២០ដុល្លារតែប៉ុណ្ណោះ ។
ក្រោយកេីតហេតុ ដោយសារតែការសម្របសម្រួលគ្នាមិនត្រូវមធ្យោបាយត្រូវសមត្ថកិច្ចជំនាញវាស់វែងយកទៅរក្សាទុករងចាំដំណោះស្រាយនៅពេលក្រោយ ៕
ដោយ៖សុខាសែនជ័យ
