ភ្នំពេញ៖ សម្ដេចតេជោ ហ៊ុន សែន មានប្រសាសន៍នៅលើបណ្ដាញសង្គមហ្វេសប៊ុកមុននេះបន្តិច៖ នៅពេលនេះម៉ោងប្រមាណ១៤និង៤០រសៀល (ម៉ោងនៅទីនេះដើរលឿនជាងម៉ោងកម្ពុជា២ម៉ោង) ខ្ញុំនិងគណៈប្រតិភូកម្ពុជាបានមកដល់ទីក្រុងឌីលី ប្រទេសទីម័រឡេស្តេ (Dili, Timor-Leste) ដោយសុវត្ថិភាពដើម្បីបំពេញទស្សនៈកិច្ចផ្លូវការ២ថ្ងៃ។

នៅម៉ោង១៥និង២៥នាទីរសៀលនេះ ខ្ញុំនឹងជួបជាមួយ លោកនាយករដ្ឋមន្រ្តី Rui Maria de Aruajo នៅវិមានរដ្ឋាភិបាលដើម្បីប្រជុំពិភាក្សាការងារ និងចុះកិច្ចព្រមព្រៀងមួយចំនួនដើម្បីពង្រីក និងពង្រឹងទំនាក់ទំនងទ្វេភាគីនៃប្រទេសយើងទាំងពីរ។

នៅយប់នេះ ខ្ញុំនិងគណប្រតិភូនឹងចូលរួមពិធីលៀងសាយភោជន៍ដែលរៀបចំដោយលោកនាយករដ្ឋមន្ត្រីនៃប្រទេសទីម័រឡេស្តផងដែរ។ ខ្ញុំនឹករឮកមកបងប្អូនជនរួមជាតិទាំអស់គ្នា និងសូមជូនពរបងប្ងូនជួបតែសំណាងល្អ៕

ដោយ៖ សុខ ខេមរា