ភ្នំពេញ៖ លោកឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម នៅថ្ងៃទី២៦ ខែកុម្ភៈ ឆ្នាំ២០២៥នេះ បានឱ្យដឹងថា៖ “ខ្ញុំសូមអធ្យាស្រ័យ ដោយមួយរយៈនេះ ការឆ្លើយតបរបស់ខ្ញុំមានការយឺតយ៉ាវ ឬមិនបានឆ្លើយតបចំពោះសំណួរផ្សេងៗដែលបានសាកសួរមក ព្រោះខ្ញុំមានភារកិច្ចជាច្រើនទៀតដែលត្រូវបំពេញ”។ ដើម្បីជៀសវាងការយឺតយ៉ាវ សូមលោកអ្នកទំនាក់ទំនងតាមរយៈលេខ 1271 ឬលេខ 017 898 915 រៀងរាល់ម៉ោងធ្វើការពីថ្ងៃចន្ទ ដល់សុក្រ។
លោកឧត្តមសេនីយ៍ឯក សាយ ម៉េងឈាង បានឱ្យដឹងទៀតថា មន្ត្រីគ្រប់ជំនាញរបស់អគ្គនាយកដ្ឋានអត្តសញ្ញាណកម្ម រង់ចាំទទួល ផ្តល់ព័ត៌មាន និងចូលរួមសម្របសម្រួលដោះស្រាយជូន។
អគ្គនាយករងរូបនេះ បានបញ្ជាក់ថា សូមសាកល្បងទាក់ទងតាមលេខ 1271 នេះ រួចជួយ Comment ប្រាប់ខ្ញុំវិញផង ដើម្បីកែលម្អឱ្យការចូលរួមឆ្លើយតប និងដោះស្រាយបញ្ហាអត្តសញ្ញាណកម្ម កាន់តែប្រសើរឡើង។ សូមអរគុណ!
ដោយ៖តារា
