ភ្នំពេញ៖ សង្ស័យស្រវឹងស្រា បុរសជនជាតិបរទេសម្នាក់បើករថយន្ដម៉ាក ហាយលែនឌ័រ រេចង្កូទៅបុកក្បាលព្រួញថ្មពុះចែកផ្លូវវៀចមួយកង់ ចំណែករថយន្ដរងការខូចខាតដាច់កាឡេកង់ខាងឆ្វេង កាលពីវេលាម៉ោង ០២និង០០នាទី យប់រំលង់អាធ្រាត្រឈានចូលថ្ងៃ ០២ ខែមិនា ឆ្នាំ២០២៥ ស្ថិតតាមបណ្ដោយផ្លូវ ២៨៩ ត្រង់ចំណុចមុខស្លាកផ្សារទួលគោក ក្នុងសង្កាត់បឹងកក់ទី០២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនពេលកើតហេតុ គេឃើញរថយន្ដបង្កហេតុមួយគ្រឿងម៉ាក ហាយលែនឌ័រ ពណ៌ទឹកសមុទ្រ ពាក់ផ្លាកលេខភ្នំពេញ 2AT- 0066 បើកបរដោយបុរសជនជាតិបរទេសម្នាក់ធ្វើដំណើរតាមបណ្ដោយផ្លូវ ២៨៩ ទិសដៅពីត្បូងមកជើង ក្នុងល្បឿនធម្យម ខណះពេលបើកដល់ចំណុចកើតហេតុខាងលើស្រាប់តែរេចង្កូតទៅបុកក្បាលព្រួញថ្មពុះចែកផ្លូវបណ្ដាលវៀចមួយកង់ ចំណែករថយន្ដដាច់កាឡេកង់ខាងឆ្វេងមិនអាចបន្ដទៅមុខបាន និងបានផ្ទុះពោងសុវត្ថិភាពភាពផងដែរ ។
ដោយឡែកម្ចាស់រថយន្ដបង្កប្រជាពលរដ្ឋបានសង្កេតឃើញថា ប្រហែលជាស្រវឹងស្រាទើបបើករថយន្ដមកបុកបែបនេះ តែសំណាងដែរមិនបង្កគ្រោះថ្នាក់ដល់មនុស្សណាម្នាក់ឡើយ ។
ក្រោយពេលកើតហេតុសមត្ថកិច្ចមូលដ្ឋានបានចុះដល់ចំណុចកើតហេតុបានធ្វើការទាក់ទងទៅខាងសមត្ថកិច្ចជំនាញចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញធ្វើការវាសវែងយករថយន្ដបង្កខាងលើទៅរក្សាទុក រង់ចាំធ្វើការដោះស្រាយនៅពេលក្រោយ ៕
ដោយ ៖ ភារ៉ា ដង្កោ
