ភ្នំពេញ៖ រថយន្តកាលមរីបាឡែនមួយគ្រឿងបេីកលឿនមិនប្រយ័ត្នក៏ជ្រុលបុករថយន្តចំនួន៣គ្រឿងនិងកង់បីឥណ្ឌាមួយគ្រឿងរួមទាំងម៉ូតូសណ្តោងរ៉ឺម៉កមួយគ្រឿងទៀតបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង២និង៥០នាទីរសៀលថ្ងៃទី៥ ខែមីនា ឆ្នាំ២០២៥ នៅចំណុចជិតស្តុបអាកាសយានដ្ឋានអន្តរជាតិភ្នំពេញ តាមបណ្តោយមហាវិថីសហព័ន្ធរុស្សី ក្នុងសង្កាត់កាកាបទី១ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកកាមរីបាឡែន ពណ៌ទឹកប្រាក់ពាក់ស្លាកលេខភ្នំពេញ2O 8080 ធ្វេីដំណេីរតាមបណ្តោយមហាវិថីសហព័ន្ធរុស្ស៉ី ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែជ្រុលចង្កូតបុកគូទរថយន្តម៉ាកហីយ៉ាន់ដាយស៊េរីទំនេីប ពណ៌ខ្មៅ ពាក់ស្លាកលេខភ្នំពេញ2CG 9386 រុញទៅបុករថយន្តស៊េរីទំនេីបមួយគ្រឿងទៀត ពណ៌ខ្មៅ ពាក់ស្លាកលេខភ្នំពេញ2BI 6618. និងរុញទៅបុកកង់បីឥណ្ឌាបន្ត រួចកង់បីឥណ្ឌាក៏បន្តទៅបុករថយន្តព្រូសពណ៌ទឹកប្រាស់ ពាក់ស្លាកលេខភ្នំពេញ2 AR1541 ហេីយរថយន្តព្រូសក៏បន្តទៅបុកម៉ូតូសណ្តោងរ៉ឺម៉កមួយគ្រឿងទៀតបណ្តាលឲ្យរងការខូចខាតយ៉ាងដំណំ។ ជំវិញករណីខាងលេីនេះមិនមានមនុស្សរងរបួសនោះទេនិងបង្កការកកស្ទះចរាចរណ៍ផងដែរ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុបាញ់ថ្នាំសម្គាល់រួចឲ្យរថយន្តអែបខាងដេីម្បីសម្របសម្រួលគ្នា ក្នុងករណីមិនត្រូវគ្នា កម្លាំងជំនាញនិងយកទៅរក្សាទុករងចាំដោះស្រាយពេលក្រោយ៕ដោយ៖សុខាសែនជ័យ
