ភ្នំពេញ: បុរសម្នាក់រងរបួសធ្ងន់បាក់ជើងម្ខាងត្រូវបានរថយន្តសាមុយដឹកយកទៅសង្គ្រោះបន្ទាន់ភ្លាមៗ ខណៈបើកម៉ូតូលឿនទៅបុកជាមួយនឹងម៉ូតូមួយគ្រឿងទៀតដែលជិះបញ្រ្ចាសទិសគ្នា ។
ហេតុការណ៍នេះបានកើតឡើងកាលពីម៉ោង៩:១៥យប់ថ្ងៃទី១៣ ខែមីនា ឆ្នាំ២០២៥ ស្ថិតនៅតាមបណ្ដោយផ្លូវបេតុងអមផ្លូវរថភ្លើងភូមិព្រៃសាលា សង្កាត់កាកាប២ ខណ្ឌពោធិ៍សែនជ័យរាជធានី ។
ប្រភពព័ត៌មានបានឲ្យដឹងថា នៅមុនពេលកេីតហេតុគេឃើញបុរសរងគ្រោះជិះម៉ូតូម្នាក់ម៉ាកហុងដាឌ្រីមសង់២០១៩ពណ៌ខ្មៅពាក់ស្លាកលេខកំពង់ស្ពឺ1L-2002 ធ្វើដំណើរតាមបណ្ដោយផ្លូវបេតុងក្នុងទិសដៅពីលិចមកកេីតក្នុងល្បឿនលឿន ខណៈមកដល់ចំណុចកេីតហេតុក៏រេចង្កូតចូលទៅបុកម៉ូតូម៉ាកហុងប៊ីតពណ៌សពាក់ស្លាកលេខភ្នំពេញ1JG-2660 ដែលបេីកបរជិះដោយនារីពីរនាក់ធ្វើដំណើរបញ្រ្ចាសទិសដៅគ្នាពេញទំហឹងបណ្ដាលឲ្យដួលបោកនឹងផ្លូវរងរបួសបាក់កជើងខាងឆ្វេងខ្លួនឯងចំណែកខាងម្ចាស់ម៉ូតូហុងដាប៊ីតវិញនារីទាំងពីរនាក់រងរបួសស្រាល។ ភ្លាមនោះពលរដ្ឋបាននាំគ្នាជួយសង្រ្គោះបឋមដោយលេីកជនរងគ្រោះមកដាក់លើឃឿនជញ្ចេីមផ្លូវ។
បន្ទបន្ទាប់ពីកេីតហេតុគ្ភាគីទាំសងខាងបានដោះស្រាយគ្នាបញ្ចប់រឿងនៅកន្លែងកេីតហេតុស្មើគ្នាដោយខាងរងគ្រោះដឹងខ្លួនឯងខុសមិនទាមទារសំណងពីខាងម៉ូតូហុងដាប៊ីតនោះទេចំណែកជនរងគ្រោះត្រូវរថយន្តសាមុយបង្អែកពោធិ៍ចិនតុងដឹកយកទៅសង្គ្រោះបន្ទាន់នៅមន្ទីរពេទ្យលោកសង្ឃ៕
ដោយ៖ ជ្រោយពេជ្រ
