ភ្នំពេញ៖ លោក អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានធ្វើការអំពាវនាវ ទៅដល់សហគមន៍ខ្មែរឥស្លាមទំាងអស់ ត្រូវចូលរួមគោរព ប្រតិបត្ដិតាមជំនឿសាសនា ប្រកបដោយសន្ដិភាព និងរស់នៅប្រកបដោយសុខដុមរមនីយកម្ម ជាមួយ រាជរដ្ឋាភិបាលកម្ពុជា ដោយ យកអត្ថប្រយោជន៍សង្គមជាតិជាធំ លោកបានអំពាវនាវបែបនេះ ក្នុង ខណៈ ដែលលោកចូលរួម បិទវគ្គពិធីសូត្រ ប្រឡងទន្ទេញគម្ពីរអាល់គូរអានុលការីម ទូទាំងប្រទេសលើក ទី១ កាលពីថ្ងៃទី០៣ ខែសីហា ឆ្នំា ២០១៥ ដោយបានធ្វើការប្រឡងអស់រយៈពេល៥ថ្ងៃ រួចមកនៅវិហារឥស្លាមបឹងកក់ ។
លោក អូស្មាន ហាស្សាន់ បានបញ្ជាក់ថា៖ ក្នុងនាមរាជរដ្ឋាភិបាលកម្ពុជា និង សហគមន៍ខ្មែរឥស្លាមទូទាំងប្រទេស លោកសូមអគុណ ដល់សម្ព័នឥស្លាមពិភពលោក និងអង្គការពិភពលោក WB ដែលមានស្នាក់រនៅប្រទេសអារ៉ាប៊ីសាអូឌីត ចូលរួមឧបត្ថម្ភ ដែលបានរៀបចំកម្មវិធីនេះឡើង ដើម្បីឲ្យសហគមន៍ខ្មែរឥស្លាម ទំាងអស់បានចូលរួមទន្ទេញគម្ពីរអាល់គូរអានុលការីមនេះឡើង ក្នុងគោលបំណង ពង្រឹងជំនឿ បណ្តុះបណ្តាលធនធានមនុស្ស និងបានចូលរួមចំណែក ក្នុងការថែរក្សា ខ្លឹមសារអាល់គូរអានុល ការីម ឲ្យស្ថិតនៅគង់វង្ស និងដិតជាប់នៅក្នុងការចងចាំ សម្រាប់បងប្អូនខ្មែរឥស្លាមក៍ដូចមនុស្សម្នាក់ៗ សម្រាប់គោរពប្រតិបត្ដិ តាមគន្លង ប្រពៃណីផ្ទាល់ខ្លួនផង និង ជាអត្ថប្រយោជន៍ សង្គមជាតិទាំងមូលផង ។
លោកបន្តថា៖ នេះក៏ដោយសារតែគោលនយោបាយ ដឹកនាំប្រទេស ប្រកបដោយសន្តិភាព និង សេរី ភាពលើជំនឿសាសនា របស់រាជរដ្ឋាភិបាលកម្ពុជា ធ្វើអោយ វិស័យនានា រួមទាំងវិស័យសាសនា មានការរីកចំរើន ឥតឈប់ឈរ ដោយមិនមានការខ្វែងគំនិត រឺការរំលោភសិទ្ធិសេរីភាពទៅលើការ ប្រតិបត្តិវិន័យ របស់សាសនា ណាមួយ ផ្ទុយទៅវិញ សាសនិកទាំងអស់ រស់នៅប្រកបដោយ សុខដុមរមនីយកម្ម នៅក្រោមដំបូលតែមួយ របស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ។ ក្នុងឱកាសនោះដែរ លោកក៍បានជំរុញឲ្យអង្គការដៃគូរ បន្តជួយបង្កើតនូវកម្មវិធីប្រឡង បែបនេះជារៀងរាល់ឆ្នាំនៅកម្ពុជា ដើម្បីលើក កំពស់ធនធាន ខ្លឹមសារគម្ពីរអាល់គូរអាន ដល់សាសនិកឥស្លាមនៅកម្ពុជា។ លោកក៏អរគុណ ដល់រដ្ឋាភិបាល អារ៉ាប៊ីសាអូឌីត និង ការ ដែលបាន ចូលរួមជ្រោមជ្រែង មនុស្សធម៌គ្រប់ផ្នែក គ្រប់វិស័យ មកកាន់ព្រះរាជាណាចក្រកម្ពុជា ដូចជាវិស័យអប់រំ សុខាភិបាល និងវិស័យមនុស្សធម៌ជាច្រើនទៀត ។
លោក សឹម ម៉ាត់ទោត តំណាងគណៈមេប្រយោគ មកពីរបស់គណៈដឹកនាំជាន់ខ្ពស់ នៃសាសនាឥស្លាមកម្ពុជា បានបញ្ជាក់ថា៖ សម្រាប់បេក្ខជន បេក្ខនារី ខ្មែរឥស្លាមចូលរួមប្រឡងលើទី១នៅឆ្នំានេះមានចំនួន២៣រូប នូវទូទាំងប្រទេស ក្នុងចំណោម បេក្ខជនបេក្ខនារី ១៣៥រូប ដែលបានមកដាក់ពាក្យ ប្រឡង កើនជាងឆ្នំាមុន៧ ភាគរយ ដោយសារមានការយកចិត្ដទុកដាក់គិតគូរលើកទឹកចិត្ដពីសំណាក់រាជរដ្ឋាភិបាលកម្ពុជា ។ ឆ្នំានេះដោយ សារមានការជួយឧបត្ថម្ភគំាទ្រពីបណ្ដាអង្គការនានា គណៈកម្មាធិការ បានសម្រេចផ្ដល់រង្វាន់ ជូនដល់បេក្ខជន បេក្ខានារី ដែលទទួលបានជ័យលាភី ទាំង២៣រូប ដែលជោគជ័យនៅលើវិញ្ញាសារ៦ ប្រភេទផ្សេងៗគ្នា គឺសរុបថវិការទាំងអស់ ប្រមាណ២១០០ ដុល្លារសហរដ្ឋអាមេរិក និង ថវិកា ជាអំណោយលើកទឹកចិត្ត ដល់បេក្ខជនបេក្ខនារី ដែលមិនបានជ័យលាភីទ១១២នាក់ ផ្សេង ទៀត រួមនឹងសេហុយ ក្នុងការធ្វើដំណើរសម្រាប់ពួកគាត់ ប្រមាណជាង៤០០០ដុលា្លរទៀត សរុបថវិកា រង្វាន់ទាំងអស់ គឺមានប្រមាណ២៥០០០ដុល្លារអាមេរិក ។
លោកAldullah AL-Munik តំណាង របស់អង្គការពិភពលោកដើម្បីអភិវឌ្ឍន៍មនុស្សជាតិ បានបញ្ជាក់ថា៖ លោកសូមអគុណចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំពោះការដឹកនាំប្រទេសជាតិ ធ្វើឲ្យមានសុខសន្តិភាព ស្ថេរភាព សណ្ដាប់ធ្នាប់សាធារណៈ ប្រកបដោយ លទ្ធិប្រជាធិបតេយ្យ ជួនប្រជាពលរដ្ឋរស់នៅប្រកបដោយសុខសាន្ដ ជាពិសេស គឺជាការដឹកនាំប្រទេសជាតិឲ្យមានការីកចម្រើន លើគ្រប់វិស័យ ស្របតាមគោលនយោបាយ ឈ្នេះ ឈ្នេះ មិនតែប៉ុណ្ណោះ សម្ដេចផ្ដល់សិទ្ធិសេរីភាព គ្រប់យ៉ាងដល់សហគមន៍ខ្មែរឥស្លាម គោរពប្រតិបត្ដិតាមជំនឿសាសនា មិនប្រកាន់និន្នាការនយោបាយអ្វីឡើយ ៕
ដោយ៖ សំរិត
