ក្រុមហ៊ុន
វេចខ្ចប់សាច់JBS របស់ប្រទេសប្រេស៊ីល បានប្រកាសកាលពីថ្ងៃសៅរ៍ថា ខ្លួននឹងវិនិយោគលុយ 100 លានដុល្លារអាមេរិក ដើម្បីបង្កើតរោងចក្រចំនួនពីរក្នុងប្រទេសវៀតណាមដែលជាអ្នកជិតខាងកម្ពុជា គោលបំណងពង្រីកវត្តមានរបស់ខ្លួននៅក្នុងតំបន់អាស៊ីអាគ្នេយ៍ និងពង្រឹងជំហររបស់ខ្លួននៅក្នុងទីផ្សារពិភពលោក។
យោងតាមសេចក្តីថ្លែងការណ៍របស់ក្រុមហ៊ុន រោងចក្រនេះនឹងផលិតសាច់គោ សាច់ជ្រូក និងបសុបក្សី ហើយនឹងប្រើប្រាស់វត្ថុធាតុដើមជាចម្បងដែលនាំចូលពីប្រទេសប្រេស៊ីល។ គោលដៅគឺផ្គត់ផ្គង់នៅក្នុងវៀតណាមនិងប្រទេសផ្សេងទៀតក្នុងតំបន់។
JBS បាននិយាយថា កិច្ចព្រមព្រៀងនេះត្រូវបានធ្វើជាផ្លូវការកាលពីថ្ងៃសៅរ៍ តាមរយៈអនុស្សរណៈនៃការយោគយល់គ្នាជាមួយរដ្ឋាភិបាលវៀតណាម។
កិច្ចព្រមព្រៀងនេះត្រូវបានផ្សាភ្ជាប់ក្នុងអំឡុងពេលដំណើរទស្សនកិច្ចផ្លូវរដ្ឋរបស់ប្រធានាធិបតីប្រេស៊ីល Luiz Inácio Lula da Silva ទៅកាន់ប្រទេសវៀតណាមដែលក្នុងនោះការបើកទីផ្សារវៀតណាមសម្រាប់សាច់ប្រេស៊ីលត្រូវបានប្រកាសឡើង។ JBS គឺជាផ្នែកមួយនៃគណៈប្រតិភូធុរកិច្ចដែលអមដំណើរលោកប្រធានាធិបតី។
យោងតាមផែនការដែលបានប្រកាសដោយ JBS កន្លែងដំបូងនឹងត្រូវសាងសង់នៅ Khu công nghiệp Nam Đình Vũ រួមទាំងមជ្ឈមណ្ឌលភស្តុភារដែលមានសមត្ថភាពផ្ទុក គ្របដណ្តប់លើការកែច្នៃមុន ការកាត់ និងសកម្មភាពវេចខ្ចប់។ កិច្ចព្រមព្រៀងនេះបានព្យាករថារោងចក្រទីពីរនឹងត្រូវបានសាងសង់នៅភាគខាងត្បូងប្រទេសវៀតណាមពីរឆ្នាំបន្ទាប់ពីរោងចក្រទីមួយចាប់ផ្តើមប្រតិបត្តិការ។ វានឹងរួមបញ្ចូលហេដ្ឋារចនាសម្ព័ន្ធស្រដៀងគ្នា រួមទាំងមជ្ឈមណ្ឌលដឹកជញ្ជូន និងរោងចក្រកែច្នៃ។
