ភ្នំពេញ ៖ សម្តេចធិបតី ហ៊ុន ម៉ាណែត ចាត់តាំងឱ្យលោក អូន ព័ន្ធមុនីរ័ត្ន បើកកិច្ចបន្ទាន់ដើម្បីឆ្លើយតប និងការជំរុញវិស័យសេដ្ឋកិច្ចកម្ពុជា ក្រោយអាម៉េរិកដំឡើងពន្ធ៤៩%។នេះតាមប្រសាសន៍របស់ លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម បានប្រាប់ទូរទស្សន៍ជាតិកម្ពុជា។

បើតាមលោកស្រី ចម និម្មល ថ្លែងថា សម្តេចធិបតី ហ៊ុន ម៉ាណែត  នាយករដ្ឋមន្ត្រី នៃកម្ពុជា បានដាក់ចេញនូវវិធានការជាបន្ទាន់ ឲ្យ លោក  អូន ព័ន្ធមុនីរ័ត្ន ប្រធានគោលនយោបាយ និងសេដ្ឋកិច្ច ដឹកនាំកោះប្រជុំជាមួយក្រសួងពាណិជ្ជកម្ម និងក្រសួងពាក់ព័ន្ធ វិស័យឯកជន ដើម្បីប្រមូលធាតុចូលដាក់ជូនសម្ដេច ដើម្បីឆ្លើយតប និងការជំរុញវិស័យសេដ្ឋកិច្ចកម្ពុជា។

ជាការឆ្លើយតបចំពោះការញុះញង់របស់ក្រុមប្រឆាំងក្រៅប្រទេសមួយចំនួនជុំវិញបញ្ហាការដំឡើងពន្ធរបស់សហរដ្ឋអាមេរិកនោះ លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ តាមរយៈបណ្ដាញសង្គម បានគូសបញ្ជាក់ថា ការដំឡើងពន្ធរបស់លោកប្រធានាធិបតី ត្រាំ អាចមានផលប៉ះពាល់ខ្លះសម្រាប់ប្រទេសកម្ពុជា ប៉ុន្តែយើងអាចគ្រប់គ្រងបាន៕

ដោយ ៖ សិលា