ភ្នំពេញ៖ តារាចម្រៀងល្បីឈ្មោះលើសកម្មភាពមនុស្សធម៌ លោក សនវិជ្ជបុត្រ បានស្នើឲ្យមហាជនមេត្តាបន្តផ្តល់ជំនួយជួយដល់មន្ទីរពេទ្យគន្ធបុផ្ផាឲ្យបានម្នាក់១ដុល្លារជារៀងរាល់ខែ ប្រយោជន៍ឲ្យមន្ទីរពេទ្យនេះបន្តជួយដល់ការព្យាបាលជំងឺដល់កុមារកម្ពុជាដោយមិនគិតថ្លៃជារៀងរាល់ថ្ងៃ។ ការប្រកាសនេះគឺនៅមុនពេលកម្មវិធីប្រគុំតន្ត្រីសប្បុរសធម៌ជួយមន្ទីរពេទ្យនឹងត្រូវធ្វើឡើងនៅពាក់កណ្តាលខែកញ្ញាខាងមុខនេះ។
កម្មវិធីប្រគុំតន្ត្រីសប្បុរសធម៌ទ្រង់ទ្រាយធំដែលមានសិល្បករល្បីៗប្រមាណជិត៣០នាក់នឹងចូលរួមនោះដែលនឹងប្រារព្វនៅថ្ងៃទី១៧ ខែកញ្ញា ឆ្នាំ២០១៧ នាសាកលវិទ្យាល័យន័រតុនជ្រោយចង្វារាជធានីភ្នំពេញ។
លោកសន វិជ្ជបុត្រ ដែលដែលតារាកិត្តិយសនិងជាតារាដែលលេចធ្លោរសកម្មភាពសង្គមក៏នឹងត្រូវបង្ហាញវត្តមានក្នុងកម្មវិធីនេះដែរ។ លោកបានបញ្ជាក់ថា លោកមានបទចម្រៀងចំនួន២បទច្រៀងក្នុងកម្មវិធីខាងលើ ហើយនេះជាកម្មវិធីដែលអាចថា ធំខ្លាំងព្រោះរំលេចដោយតារាល្បីៗចូលរួមផងដែរ។ ជាមួយនេះដែរ លោកបានសុំអំពាវនាវដល់មហាជនទាំងអស់គួរតែរួមគ្នារំលែកថវិកាម្នាក់តែ១ដុល្លារប៉ុណ្ណោះប្រគល់ជូនពេទ្យជារៀងរាល់ខែបានទៀងទាត់នោះក៏អាចជួយបានច្រើនដែរ ព្រោះប្រជាជនមានចំនួនដល់ទៅក្បែរ១៥លាននាក់ចុះបើម្នាក់១ដុល្លារនោះមិនអាចរកវិធីជួយច្រើន។ វិជ្ជបុត្របន្តថា បើទោះជាយ៉ាងណាមុនពេលមិនទាន់ចាប់ផ្តើមកម្មវិធីក៏លោកនឹងបន្តផ្សព្វផ្សាយថែមទៀតដល់បណ្តាសប្បុរជនស្គាល់លោកក្នុងនិងក្រៅស្រុកដែលអាចបានប្រាក់បន្តិចបន្តួចពីទឹកចិត្តបងប្អូនបន្តទៀតយកមកជួយពេទ្យគន្ធបុប្ជាជួយកុមារៗរបស់កម្ពុជា។
លើសពីនេះលោកនៅតែចង់ឲ្យមានគំនិតដែលលោកគិតនេះបានចាក់យល់អារម្មណ៍ទស្សនិកជនបានជួយដល់ ទោះជាមានគ្រួសារខ្លះគាត់យល់ថាច្រើនតែ១ដុល្លារដូរយកកូនយើងឈឺទៅពេទ្យគន្ធបុប្ជាគឺគេមិនតម្រូវបង់ប្រាក់ឡើយ យ៉ាងហោចណាស់បាននាំគ្នាជួយបីទៅបួនខែជាប់គ្នាក៏អាចជាវិធីល្អដែរ ដើម្បីប្រយោជន៍មន្ទីរពេទ្យ។ លោកសង្ឃឹមថា ការបញ្ជាក់ពីតម្រុយនេះពិតជាអាចទាក់ទាញហើយមហាជនសិស្សនិស្សិតទាំងអស់មិនថាតែជាសិស្សសាលាន័រតុននោះទេគឺអាចចូលរួមបានក្នុងន័យខ្មែរជួយខ្មែរ។
ក្រៅពីការច្រៀងរបស់តារាចម្រៀងល្បីឈ្មោះជាច្រើននោះក៏នឹងមានវត្តមានតារាសម្តែង និងបង្ហាញម៉ូតចំនួន៩នាក់នឹងគ្រងឈុតហាងសំលៀកបំពាក់ដែលរចនាប្លែកភ្នែកផងដែរដែលស្លៀកដោយ តារាសម្តែង និងបង្ហាញម៉ូត ដូចជា អ្នកនាងចន ច័ន្ទលក្ខិណា កញ្ញា ទឹម រដ្ឋា កញ្ញា សារ៉ាយ សក្ខណា កញ្ញា ថន លក្ខិណា កញ្ញាមាន សូនីតា កញ្ញា ព្រីម លីហ្សា កញ្ញាដួង មានិច កែវ កញ្ញា ច័ន្ទកេសីចាន់ កញ្ញា គង់កាជាដើម។
ក្នុងកម្មវិធីនោះមានការតាំងលក់ផលិតផលរយៈពេល២ថ្ងៃចាប់ពីម៉ោង៨ព្រឹកដល់៨យប់ហើយការប្រគំតន្ត្រីមានតែថ្ងៃទី១៧ ខែកញ្ញា ឆ្នាំ២០១៦ ដែលប្រជុំដោយតារាល្បីៗចូលរួមនិងមានកម្មវិធីកម្សាន្តជាច្រើនទៀតនឹងផុសឡើងផងដែរ៕
ដោយ៖ វឌ្ឍនា
