ប្រទេសចិន៖ លោក He Yadong អ្នកនាំពាក្យនៃក្រសួងពាណិជ្ជកម្មចិន បានថ្លែងកាលពីថ្ងៃទី២៤ ខែមេសា ឆ្នាំ២០២៥ម្សិលមិញថា៖ បច្ចុប្បន្ន ចិននិងអាមេរិកមិនទាន់មានការចរចាណាមួយអំពីសេដ្ឋកិច្ចនិងពាណិជ្ជកម្មនោះទេ។
លោកបានថ្លែងថា ភាគីអាមេរិកបានដំឡើងពន្ធគយដោយខុសទំនង ប្រការនេះវាបានល្មើសនឹងក្រឹត្យក្រមសេដ្ឋកិច្ចនិងក្រឹត្យក្រមទីផ្សារជាមូលដ្ឋាន និងបំផ្លិចបំផ្លាញដល់សណ្តាប់ធ្នាប់សេដ្ឋកិច្ចនិងពាណិជ្ជកម្មយ៉ាងធ្ងន់ធ្ងរ ដែលបានរងការប្រឆាំងជំទាស់យ៉ាងខ្លាំងក្លាពីសំណាក់សហគមន៍អន្តរជាតិនិងក្នុងប្រទេសអាមេរិក។
វិធានការដំឡើងពន្ធគយដោយឯកតោភាគី គឺបំផុសឡើងដោយអាមេរិក បើសិនជាអាមេរិកពិតជាចង់ដោះស្រាយបញ្ហាមែន នោះគឺត្រូវតែប្រឈមមុខដោយត្រឹមត្រូវចំពោះសំឡេងប្រកបដោយវិចារណញ្ញាណរបស់សហគមន៍អន្តរជាតិ លុបចោលទាំង ស្រុងនូវវិធានការដំឡើងពន្ធគយដោយឯកតោភាគីលើចិន ហើយធ្វើកិច្ចសន្ទនាដោយសមភាព។
តាមការផ្សាយដំណឹងឱ្យដឹងថា ពេលថ្មីៗនេះ លោកត្រាំ ប្រធានាធិបតីអាមេរិកបានថ្លែងថា បច្ចុប្បន្នអាមេរិកដាក់ពន្ធគយលើទំនិញនាំចូលពីចិនខ្ពស់ពេក តាមការប៉ាន់ប្រមាណ អត្រាយពន្ធគយនឹងធ្លាក់ចុះយ៉ាងខ្លាំង។ ឯរដ្ឋមន្ត្រីហិរញ្ញវត្ថុអាមេរិកក៏បានថ្លែងថា ភាពតានតឹងនៃសង្គ្រាមពន្ធគយរវាងអាមេរិកនិងចិននឹងត្រូវបន្ធូរបន្ថយក្នុងពេលឆាប់ៗ៕
ដោយ៖តារា
