ភ្នំពេញ ៖ លោកវរសេនីយ៍ទោ ហួរ ម៉េងហួន អធិការរងនគរបាលខណ្ឌទួលគោក ត្រូវបានតែងតាំងជាអធិការនគរបាលខណ្ឌចំការមន ជំនួសលោកវរសេនីយ៍ឯក យិន សាន ដែលត្រូវចូលនិវត្តន៍។

ពិធីប្រកាសចូលកាន់តំណែងធ្វើឡើងនៅរសៀលថ្ងៃទី៣០ ខែឧសភា ឆ្នាំ២០២៥ ក្រោមវត្តមានលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ។

លោក ហួរ ម៉េងហួន ជាប្អូនប្រុសលោក ហួរ ម៉េងវ៉ាង អធិការនគរបាលខណ្ឌសែនសុខ និងលោក ហួរ ហួត អភិបាលរងខណ្ឌព្រៃកព្នៅ រាជធានីភ្នំពេញ ៕

ដោយ ៖ សិលា