ខេត្តកំពង់ស្ពឺ៖ នៅថ្ងៃសៅរ៍ ១៤កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែឧសភា ឆ្នាំ២០២៥ លើផ្លូវជាតិលេខ ៤៤ ចន្លោះគីឡូម៉ែត្រ ៨៤-៨៥ ស្ថិតនៅចំណុចភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឺម៉ូតូ ១គ្រឿង ម៉ាក HONDA FTR 223CCពណ៌ខៀវលាយស៊េរីឆ្នាំ២០០០ផ្លាកលេខ ភ្នំពេញ1HL-9528 អ្នកបើកបរម៉ូតូមានឈ្មោះ ប៉ា ណៃហៀង ភេទប្រុស អាយុ ៤១ឆ្នាំ មានពាក់មួកសុវត្ថិភាព រស់នៅភូមិថ្មសំលៀង ឃុំត្រពាំងគង ស្រុកសំរោងទង ខេត្តកំពង់ស្ពឺ បានធ្វើដំណើរពីទិសខាងលិចឆ្ពោះទៅទិសខាងកើត។ លុះមកដល់ចំណុចកេីតហេតុ បាន បុកពីក្រោយគោយន្តកន្រ្ដៃ០១គ្រឿងអូសរទេះ រ៉ឺម៉កឈេី ម៉ាស៊ីនម៉ាកTOTA ពណ៌ក្រហម អ្នកបេីកគោយន្ដកន្រ្ដៃបានរត់គេចខ្លួនក្រោយជួបឧប្បត្តិហេតុ។
យោងតាមសមត្ថកិច្ចនគរបាលដែលបានចុះដល់ទីតាំងកេីតហេតុ បញ្ជាក់ថា គោយន្តកន្រ្ដៃ និងម៉ូតូបេីកបរធ្វើដំណើរស្របទិសគ្នា ចៃដន្យ ម៉ូតូមេីលមិនឃេីញរទេះរ៉ឺម៉កឈេីដែលពុំមានចំណាំងពន្លឺជាសញ្ញាសម្គាល់ឱ្យអ្នកដំណេីរបានដឹងនិងឃេីញ ក៏ជ្រុលទៅបុកពេញទំហឹងតែម្ដង ។
បច្ចុប្បន្ននគរបាលបានវាស់វែង យកមធ្យោបាយទាំង២ មករក្សាទុកនៅប៉ុស្ដិ៍នគរបាលរដ្ឋបាល អមលាំង ដេីម្បីរង់ចាំការចូលមកដោះស្រាយនិងបន្ដនីតិវិធីបញ្ជូនសំណុំ រឿងទៅកាន់ជំនាញ នៃអធិការដ្ឋាននគរបាលស្រុកថ្ពង ដើម្បីចំណាត់ការនីតិវិធី រីឯអ្នកបេីកម៉ូតូរងរបួសធ្ងន់ ត្រូវបានសមត្ថកិច្ចបញ្ជូនទៅមន្ទីរពេទ្យបង្អែកខេត្តកំពង់ស្ពឺ ដេីម្បីព្យាបាល៕
