Manchester United នឹងរៀបចំកម្មវិធីសាច់អាំងនៅឯទីលានហ្វឹកហាត់ Carrington របស់ក្លឹបដើម្បីអបអរប្រសិនបើពួកគេយកឈ្នះ Tottenham Hotspur ក្នុងវគ្គផ្តាច់ព្រ័ត្រ Europa League នៅសប្តាហ៍ក្រោយ។ ហើយគ្មានក្បួនដង្ហែ រថយន្តក្រុងដូចលើកមុនៗឡើយ ប្រសិនបើពួកគេឈ្នះការប្រកួតនោះ។
ការសម្រេចចិត្តនេះកើតឡើងបន្ទាប់ពីមានវិធានការកាត់បន្ថយការចំណាយជាបន្តបន្ទាប់នៅក្លឹបដែលរួមបញ្ចូលទាំងការលែងប្រើប្រាស់និងការលុបចោលអាហារថ្ងៃត្រង់ដោយឥតគិតថ្លៃសម្រាប់បុគ្គលិក។
ចំពោះកីឡាកររបស់ក្លឹបMan United ត្រូវបានប្រាប់ថាអាចទិញសំបុត្រទស្សនា១០បន្ថែមសម្រាប់ឱ្យមិត្តភក្តិនិងសាច់ញាតិសម្រាប់ការប្រកួតវគ្គ ផ្តាច់ព្រ័ត្រ នៅទីក្រុង Bilbao ប្រទេសអេស្ប៉ាញថ្ងៃពុធទី២១ខែឧសភាឆ្នាំ២០២៥ដោយពួកគេមានសំបុត្រផ្លូវការ15,000 ទៅកាន់អ្នកគាំទ្រ។
ចំណែកTottenham ត្រូវបានគេរំពឹងថានឹងធ្វើក្បួនដង្ហែប្រសិនបើពួកគេឈ្នះពានរង្វាន់ដំបូងរបស់ពួកគេចាប់តាំងពីការប្រកួត League Cup ឆ្នាំ 2008 ។
