ភ្នំពេញ ៖ ជនសង្ស័យម្នាក់បានធ្វេីសកម្មភាពឆក់ទូរស័ព្ទដៃពីនារីម្នាក់បានសម្រេច ហេីយព្យាយាមគេចខ្លួនតែមិនរួចពីកម្លាំងសមត្ថកិច្ចប៉ុស្តិ៍ចោមចៅទី៣ ។
ហេតុការណ៍នេះបានកេីតឡេីងកាលពីវេលាម៉ោង ៦និង៣០ នាទី ព្រលប់ ថ្ងៃទី១៣ ខែឧសភា ឆ្នាំ២០២៥ ស្ថិតនៅតាមបណ្ដោយផ្លូវជាតិលេខ៤ត្រង់ចំណុចស្តុបQMI ភូមិ ជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ រីម វណ្ណារ៉ា ភេទប្រុសអាយុ១៨ឆ្នាំ មុខរបរ មិនពិតប្រាកដ បច្ចុប្បន្នស្នាក់នៅភូមិតាសេក សង្កាត់កំបូល ខណ្ឌកំបូលរាជធានីភ្នំពេញ មានស្រុកកំណើតនៅខេត្តកណ្ដាល។ រីឯនារីជនរងគ្រោះ ទូច ចាន់ណា អាយុ២៨ឆ្នាំ មុខរបរធ្វើការរោងចក្រ បច្ចុប្បន្នរស់នៅ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
តាមប្រភពព័ត៌ពីជនរងគ្រោះ មានបានឲ្យដឹងថា នៅមុនពេល កេីតហេតុនារីរងគ្រោះ ជិះម្នាក់ តែម្នាក់ឯង ម៉ាកស្កុបពី ពណ៌ខ្មៅពាក់ស្លាកលេខភ្នំពេញ-JT-4390 ចេញពីធ្វើការរោងចក្រនៅម្ដុំកំបូល ខណៈមកដល់ចំណុចកេីតហេតុក៏ឈប់រង់ចាំស្តុប ។ ស្របពេលនោះ មាន ជនសង្ស័យខាងលើ ជិះម៉ូតូមួយគ្រឿង ម៉ាកហុងដាឌ្រីមសង់២០២៥ ពណ៌ខ្មៅពាក់ស្លាកលេខភ្នំពេញ1LM-9734 មមកក្បែរឃើញ ទូរសពទូរសព្ទនារីរងគ្រោះដាក់និងឃ្លុបម៉ូតូ ក៏ធ្វើសកម្មភាពលូកឆក់យកបានសម្រេច រួចហើយជិះរត់គេចខ្លួន ក៏មកជួបនិងកម្លាំងនគរបាល សង្កាត់ចោមចៅ៣ កំពុងតែល្បាត នៅតាមដងផ្លូវឃើញក៏ប្រដេញតាមពីក្រោយឃាត់បានភ្លាមៗ ។
ក្រោយកេីតហេតុនារីរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាល នឹងចង្អុលបង្ហាញមុខជនសង្ស័យសមត្ថកិច្ចបានកសាងសំណុំរឿងបញ្ជូនខ្លួនជនសង្ស័យខាងលើទៅកាន់ផ្នែកជំនាញព្រហ្មទណ្ឌខណ្ឌ ចាត់ការទៅផ្លូវច្បាប់ ចំណែកទូរស័ព្ទជនរងគ្រោះ ម៉ាកម៉ាក iPhone XS max ត្រូវត្រូវបានសមត្ថកិច្ចប្រគល់អោយទៅជនរងគ្រោះវិញ៕
ដោយ៖ សុខាសែនជ័យ
