ភ្នំពេញ ៖ ក្រុមសមាជរដ្ឋសភានិងព្រឹទ្ធសភារបស់សមាជិកព្រឹទ្ធសភា នៃក្រុមទី៤ បានរៀបចំកិច្ចប្រជុំ ក្រោមអធិបតីភាពលោក អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាប្រធានក្រុមសមាជរដ្ឋសភានិងព្រឹទ្ធសភារបស់សមាជិកព្រឹទ្ធសភា នៃក្រុមទី៤ ដើម្បីពិនិត្យនិងពិភាក្សាលើរបៀបវារៈ ដូចខាងក្រោម៖

១-ស្តាប់បទបង្ហាញរបស់មន្រ្តីនៃអគ្គនាយកដ្ឋានស្រាវជ្រាវ នៃអគ្គលេខាធិការដ្ឋានព្រឹទ្ធសភា លើប្រធានបទសំខាន់ៗចំនួន៣ គឺ៖

   -ប្រធានបទអំពីប្រពន្ធ័គាំពារសង្គម

   -ប្រធានបទអំពីសេដ្ឋកិច្ចក្រៅប្រព័ន្ធ

   -ប្រធានបទអំពីវិស័យកសិកម្ម។

២-បញ្ហាផ្សេងៗ។

កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី១០ព្រឹទ្ធសភា នារសៀលថ្ងៃសុក្រ ទី១៦ ខែឧសភា ឆ្នាំ២០២៥…។ នេះបើយោងតាមប្រភព ពីនាយកដ្ឋានព័ត៌មាន នៅល្ងាចថ្ងៃទី១៦ ខែឧសភា ឆ្នាំ២០២៥៕

ដោយ ៖ សិលា