កងកម្លាំងការពារអុីស្រាអែល (IDF) បានបញ្ជាក់កាលពីថ្ងៃទី 16 ខែឧសភាថា ខ្លួនបានចាប់ផ្តើមដំណាក់កាលដំបូងនៃការវាយលុកទ្រង់ទ្រាយធំលើតំបន់ហ្គាហ្សាស្ទ្រីបដែលត្រូវបានគេហៅថា “រទេះសេះរបស់ Gideon ” ។

សេចក្តីប្រកាសរបស់ IDF ដែលដកស្រង់ដោយអ្នកឆ្លើយឆ្លងព័ត៌មាន VNA នៅទីក្រុង Tel Aviv បាននិយាយថា “ក្នុងរយៈពេលមួយថ្ងៃកន្លងមកនេះ IDF បានបើកការវាយប្រហារយ៉ាងទូលំទូលាយនិងបានប្រមូលផ្តុំកងកម្លាំងដើម្បីដណ្តើមយកតំបន់យុទ្ធសាស្ត្រនៅក្នុងតំបន់ Gaza Strip ដែលជាផ្នែកនៃចលនាបើកយុទ្ធនាការ “Gideon’s Chariot” ក្នុងគោលបំណងសម្រេចបាននូវគោលដៅទាំងអស់នៃសង្រ្គាមនៅហ្គាហ្សា រួមទាំងការរំដោះចំណាប់ខ្មាំង។
យោងតាមមន្ត្រីអុីស្រាអែល Operation Gideon’s Chariot បញ្ចាក់ថា នឹងឃើញ IDF “ដណ្តើមយក” Gaza រុញជនស៊ីវិលប៉ាឡេស្ទីននៅភាគខាងត្បូងនៃ Strip វាយប្រហារក្រុម Hamas និងរារាំងចលនាពីការគ្រប់គ្រងការផ្គត់ផ្គង់ជំនួយមនុស្សធម៌ចូលទៅក្នុងទឹកដីប៉ាឡេស្ទីន។
កាលពីថ្ងៃទី 16 ឧសភាផងដែរ មេដឹកនាំនៃប្រទេសអឺរ៉ុបចំនួនប្រាំពីរ រួមមាន អុីស្លង់ អៀរឡង់ លុចសំបួ ម៉ាល់តា ន័រវេស ស្លូវេនី និងអេស្បា៉ញ បានចេញសេចក្តីថ្លែងការណ៍រួម ដោយរិះគន់ការរារាំងជំនួយដែលអុីស្រាអែលបាននិងកំពុងអនុវត្តនៅតំបន់ហ្គាហ្សាស្ទ្រីប ចាប់តាំងពីថ្ងៃទី 2 ខែមីនា។
ប្រទេសអឺរ៉ុបទាំងប្រាំពីរបាននិយាយថា “យើងនឹងមិននៅស្ងៀមនៅពេលប្រឈមមុខនឹងគ្រោះមហន្តរាយមនុស្សធម៌ដែលបង្កើតឡើងដោយមនុស្សនៅចំពោះមុខយើងនៅហ្គាហ្សា។ បុរស ស្ត្រី និងកុមារជាង 50,000 នាក់បានបាត់បង់ជីវិត។

សេចក្តីថ្លែងការណ៍ “អំពាវនាវឱ្យរដ្ឋាភិបាលអុីស្រាអែលផ្លាស់ប្តូរគោលនយោបាយបច្ចុប្បន្នរបស់ខ្លួនជាបន្ទាន់ បដិសេធពីប្រតិបត្តិការយោធាបន្ថែមទៀត និងលុបចោលការបិទផ្លូវទាំងស្រុង ដោយធានាថា ជំនួយមនុស្សធម៌ត្រូវបានផ្តល់ជូនដោយសុវត្ថិភាព ឆាប់រហ័ស និងគ្មានការរារាំងនៅទូទាំងតំបន់ហ្គាហ្សាស្ទ្រីប ដោយអង្គការមនុស្សធម៌អន្តរជាតិ និងស្របតាមគោលការណ៍មនុស្សធម៌”៕ ដោយធីរីណា

រូបថត​: TTXVN