ខេត្តស្វាយរៀង៖ បុរសម្នាក់ជាគ្រូបង្រៀនបានរងរបួសធ្ងន់សន្លប់ស្ដូកស្ដឹងនិងកន្លែង ខណៈដែលជិះម៉ូតូបត់ឆ្វេងខ្វះការប្រុងប្រយ័ត្នមិនមើលក្រោយក៏ត្រូវរថយន្តទួររីសបុកយ៉ាងពេញទំហឹង កាលពីវេលាម៉ោង៤និង២០នាទីល្ងាចថ្ងៃទី២៥ ខែសីហា ឆ្នាំ២០១៦ ស្ថិតនៅតាមបណ្ដោយផ្លូវជាតិលេខ១ ចន្លោះគីឡូម៉ែតលេខ១២២-១២៣  ភូមិធ្មល់ សង្កាត់ចេក ក្រុងស្វាយរៀង ។

ប្រភពពីសមត្ថកិច្ចឲ្យដឹងថា បុរសរងរបួសធ្ងន់មានឈ្មោះ សួស អ៊ន់ អាយុ៥១ឆ្នាំ មុខរបរគ្រូបង្រៀន មានទីលំនៅក្នុងភូមិធ្មល់ សង្កាត់ចេក ក្រុងស្វាយរៀង ខណៈម៉ូតូម៉ាកហុងដាវ៉េវពាក់ស្លាកលេខស្វាយរៀង 1F-0949 ខូចខាតយ៉ាងដំណំ។

អ្នកបើករថយនមានឈ្មោះ ប្រាក់ កុសល់ ភេទប្រុស អាយុ៣០ឆ្នាំ មុខរបរស៊ីឈ្នួលបើករថយន្ដ រស់នៅភូមិផ្សារត្រកួន ឃុំសង់លុង ស្រុកត្រាំកក់ ខេត្តតាកែវ បើករថយន្ដម៉ាក សាំងយ៉ុង ពណ៏ សំបកឪឡឹក ពាក់ផ្លាកលេខ ភ្នំពេញ 2Z-5160 ។

តាមសាក្សីនៅកន្លែងកើតហេតុឲ្យដឹងថា មុនពេលកើតហេតុមានបុរសម្នាក់បានជិះម៉ូតូមួយគ្រឿងពីកើតមកលិចហើយក៏បានបត់ឆ្វេងមិនប្រុងប្រយ័ត្នក៏ត្រូវរថយន្តបើកស្របទិសគ្នាជា់ន់ហ្វ្រាំងមិនជាប់ក៏បុកពីក្រោយពេញទំហឹងបណ្ដាលឲ្យសន្លប់ស្ដូកស្ដឹងតែម្ដង។ ក្រោយមកប្រជាពលរដ្ឋបានរាយការណ៍ទៅសមត្ថកិច្ចនគរបាលមូលដ្ឋានដឹកជនរងគ្រោះទៅកាន់មន្ទីរពេទ្យខេត្តស្វាយរៀង។មូលហេតុគឺបង្កដោយសារម៉ូតូបត់ឆ្វេងខ្វះការប្រុងប្រយ័ត្នទើបបង្កឲ្យមានគ្រោះថ្នាក់ចររាចរណ៍នេះកើតឡើង។

ក្រោយកើតហេតុមធ្យោបាយទាំង២គ្រឿងត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍នគរបាលខេត្តស្វាយរៀង ចាត់ការបន្តតាមនីតិវិធី៕

ដោយ៖ យឹម សុថាន